Бийлик

Өкмөт бюрократияны кыскартуу боюнча жаңы чечимдерди кабыл алды

Ишкер Media

23 дек. 2025 09:10

Министрлер Кабинетинин Төрагасы Адылбек Касымалиевдин төрагалыгы алдында Мамлекеттик кызмат тутумун бюрократиядан арылтуу боюнча ведомстволор аралык комиссиянын алтынчы отуруму болуп өттү. Бул тууралуу Өкмөттүн басма сөз кызматынан билдиришти.

Отурумда комиссиянын ишинин аралык жыйынтыгы чыгарылып, Министрлер Кабинетинин Төрагасынын орун басары, Юстиция министри Аяз Баетов баяндама жасады. Президент Садыр Жапаровдун тиешелүү Жарлыгынан кийин бюрократияны кыскартуу багытында олуттуу натыйжаларга жетишилгени белгиленди.

Маалыматка ылайык, комиссия 2025-жылдын март айында түзүлүп, 8 ай ичинде бюрократияны кыскартууга багытталган алты пакет кабыл алынган. Алар мамлекеттик башкарууда ашыкча административдик процедураларды азайтууга шарт түздү.

Алтынчы пакеттин алкагында маалыматтарга негизделген өкмөттүн концепциясын иштеп чыгуу, “нөлдүк бюрократия” принциптерин киргизүү, “Түндүк” системасы аркылуу автоматтык эсептөөлөргө өтүү, бизнеске профилактикалык консультация берүү жана онлайн соодага салык салууну реформалоо сунушталды.

Ошондой эле кош бойлуу аялдарга жана алты жашка чейинки балдарга дары-дармектердин ордун толтуруу, ELQR QR төлөмдөрүнүн мүмкүнчүлүгүн кеңейтүү маселелери каралды.

Жыйынтыгында бюрократияны кыскартууга багытталган чаралардын алтынчы пакети жактырылып, жооптуу мамлекеттик органдарга аны белгиленген мөөнөттө ишке ашыруу тапшырмасы берилди.

Мындан тышкары окуңуз

Финансы министрлиги 2025-жылга "Google салыгы" боюнча планды 39%га жогорулатты

Финансы министрлиги такталган республикалык бюджеттин долбоорунун маалыматына ылайык, 2025-жылга карата Google салыгын (чет өлкөлүк уюмдардын электрондук кызматтарына КНС) чогултуу планын 39%га жогорулатты. Алгач министрлик бул салык боюнча 920,9 млн сом түшөт деп пландаган. Бул сумма республикалык бюджет тууралуу мыйзамга тиркелген колдонмодо көрсөтүлгөн. Өзгөртүүлөрдө министрлик планды 1,3 млрд

АКШдан өз ыктыяры менен чыгуучуларга бекер авиабилет, 3 миң доллар убада кылынды

АКШнын Ички коопсуздук министрлиги (DHS) жыл аягына чейин өлкөдөн өз ыктыяры менен чыгып кетүүгө макул болгон мыйзамсыз мигранттар үчүн төлөмдөр убактылуу көбөйтүлгөнү ведомствонун расмий билдирүүсүндө айтылат. Билдирүүдө АКШнын аймагында мыйзамсыз жүргөн адамдар CBP Home мобилдик тиркемеси аркылуу ыктыярдуу депортацияга катталса, 3 миң доллар өлчөмүндө акчалай жардам жана мекенине кайтуу үчүн

Аксыда 48 млн сомго бала бакча курулуп жатат

Жалал-Абад облусунун Аксы районунун Кум айылындагы 100 орундуу бала бакчанын курулушу аяктап калды. Бул тууралуу Курулуш, архитектура жана турак жай–коммуналдык чарба министрлигинен билдиришти. Маалыматка ылайык, объекттин курулуш иштери быйылкы жылдын март айында башталган. Учурда имараттын ички монтаждоосу жүргүзүлүп, сырткы оюн аянтчалары жасалууда. Долбоор республикалык бюджеттен каржыланып, тендердик баасы 48

Эски аянттагы жарманке Жаңы жыл алдында эң кызыктуу иш-чарага айланат

Буга чейин Бишкектеги эски аянтта– И.Раззаков жана Т.Абдымомунов көчөлөрүнүн кесилишинде ар жума сайын дем алыш күндөрү жарманке өтүп, анда өлкөнүн бардык аймактарынан келген фермерлердин продукциясы шаардыктарга арзан сатылып келген. Жаңы жылдын алдында жарманке кеңейтилген график менен — 2025-жылдын 26-декабрынан 31-декабрына чейин иштейт. Бишкек шаарында жарманкелерди өткөрүү боюнча куратор — Суу