Экономика

Бишкек жылуулук тармактарынын 69%ы эскирди – Ю.Дмитрущенко

Мелис Совет уулу

30 март 2026 13:10

Бишкек шаарында жылуулук тармактарынын 68,6%ы физикалык жактан эскиргенин "Биринчи радио" эфиринде "Бишкекжылуулуктармактары" муниципалдык ишканасынын башкы инженери орун басары Юрий Дмитрущенко билдирди.

Анын айтымында, бул көрсөткүч 4%га төмөндөгөн — буга чейин эскирүү деңгээли 72,7%ды түзгөн.

"Биз авариялардын санын минималдуу деңгээлге түшүрүүгө аракет кылабыз, бирок эскирүү маселеси актуалдуу бойдон калууда. Жалпысынан 2025/2026-жылдардын жылытуу мезгили ийгиликтүү өттү, ал 143 күнгө созулду, орточо норма болжол менен 150 күн. Албетте, кыйынчылыктар болбой койгон жок — февраль айында 7-Апрель көчөсүндөгү түтүктө жана март айында №6 кичирайондо эки ири авария болду. Бирок алар тез арада локалдаштырылып, жоюлду", — деди ал.

Ал белгилегендей, 2025/2026-жылдардын жылытуу мезгилинде жалпысынан 77 авария катталган. Бул 2024/2025-жылдагы көрсөткүчтөн (86) аз, ал эми эки жыл мурда 109 болгон.

"Көрсөткүчтүн төмөндөшү гидравликалык сыноолорду натыйжалуу өткөрүүнүн аркасында болду. Биз алдын ала алсыз жерлерди аныктап, көйгөйлөрдү жоюп, жылытуу мезгилинде түтүктөрдүн жарылышын алдын алабыз. Бирок жалпы алганда авариялардын саны өсүп жатат: 2022-жылы 237, 2023-жылы 378, 2024-жылы эң жогорку чекке жетип 448 болгон. Ал эми 2025-жылы 426 авария катталган",-деди ал.

Эске салсак, борбор калаада ысык суу 1-апрелден 10-майга чейин профилактикалык жана оңдоо иштерине байланыштуу өчүрүлөт.

Мындан тышкары окуңуз

BAKAI S&P Global CSA ESG баалоосунда 71 упай алып, дүйнөлүк банк секторунун алдыңкы 9%ына кирди

BAKAI туруктуу өнүгүү боюнча жыл сайын өткөрүлүүчү эл аралык S&P Global Corporate Sustainability Assessment (CSA) баалоосунун жыйынтыгын жарыялайт. 2026-жылдын 6-октябрында расмий берилген баалоонун жыйынтыгы боюнча Банк мүмкүн болгон 100 упайдын ичинен 71 упай алды. Бул 2025-жылдагы көрсөткүчтөн 14 упайга жогору. S&P Global CSA

Кыргызстанда тогуз айда 39 миңден ашык пенсиялык иш кароого алынды

2026-жылдын январь–сентябрь айларында Кыргызстандын Социалдык фонду 39 261 пенсиялык ишти кароого алды. Бул тууралуу аталган мекеменин басма сөз кызматынан кабарлашты. Маалыматка ылайык, сентябрь айында 2 759 жаранга пенсия жаңыдан чектелген. Ошондой эле 596 пенсионердин пенсиясы кайра эсептелген. Кайра эсептөө эмгек стажы, эмгек акысы, окуусу жана майыптыгына байланыштуу кошумча

Кыргызстанда статистикалык маалыматтарды топтоодо ЖИ технологиялары колдонулушу мүмкүн

Армениянын Ереван шаарында КМШга мүчө мамлекеттердин статистикалык кызматтарынын жетекчилеринин кеңешинин 76-отуруму жана “Статистикадагы жаңы усулдар жана технологиялар” аттуу IV эл аралык статистикалык форум өттү. Иш-чараларга Кыргызстандын Улуттук статистика комитетинин төрагасы Бактыбек Кудайбергенов катышты. Улуттук сатитстика комитетинин маалыматына караганда, иш-чаранын жүрүшүндө статистикалык маалыматтарды даярдоодо мамлекеттик маалымат тутумдарындагы маалыматтарды

12-октябрда Бишкек жана ага жакын айрым жерлеринде электр жарыгы өчүрүлөт

12-октябрда электр тармактарынын ишенимдүүлүгүн жогорулатуу максатында Бишкек шаарында жана ага жакын аймактарда оңдоо жана техникалык тейлөө иштери жүргүзүлөт. Буга байланыштуу айрым көчөлөрдө жана конуштарда электр энергиясы убактылуу өчүрүлөт. “Улуттук электр тармактары” ААКтын Бишкек электр тармактары ишканасынын маалыматына ылайык, иштер Чыгыш, Батыш, Түндүк жана Аламүдүн райондук электр тармактары тарабынан жүргүзүлөт.