ЖК депутаттарынын добуш берүүсү эми манжа издери же беттин геометриясы боюнча ишке ашабы?
Бүгүн Президент Садыр Жапаров “КРнын Жогорку Кеңешинин Регламенти жөнүндө” КРнын Мыйзамына өзгөртүүлөрдү киргизүү тууралуу” Мыйзамга кол койду.
Мыйзам 2025-жылдын 24-декабрында Кыргыз Республикасынын Жогорку Кеңеши тарабынан кабыл алынган. Аталган Мыйзам КРнын Жогорку Кеңешинин ишмердүүлүгүн оптималдаштыруу максатында кабыл алынган.
Кабыл алынган Мыйзамга ылайык, төмөнкүлөр каралган:
– Кыргыз Республикасынын Жогорку Кеңешинин Төрагасынын биринчи орун басары кызмат ордун белгилөө;
– Кыргыз Республикасынын Жогорку Кеңешинин комитетинин курамына бир фракциядан, депутаттык топтон 4төн ашпаган мүчө кирет;
– манжалардын издери боюнча жана (же) беттин геометриясы боюнча таануу функциясы бар добуштарды эсептөөнүн электрондук тутумун пайдалануу менен добуш берүүнүн колдонуу мөөнөтүн 2027-жылдын 1-январынан тартып белгилөө - сунушталууда.
