Эрлист Акунбеков Айыл чарба министринин милдетин аткаруучу болуп дайындалды
Президент Садыр Жапаров кол койгон Жарлыкка ылайык, Акунбеков Эрлист Абакирович Министрлер Кабинетинин Төрагасынын орун басары – Суу ресурстары, айыл чарба жана кайра иштетүү өнөр жайы министринин милдетин аткаруучу болуп дайындалды. Бул тууралуу Президенттик Администрациядан билдиришти.
Жарлыкка ылайык, Акунбеков Эрлист Абакировичтин талапкерлиги Кыргыз Республикасынын Жогорку Кеңешине Министрлер Кабинетинин Төрагасынын орун басары – суу ресурстары, айыл чарба жана кайра иштетүү өнөр жайы министринин кызмат ордуна дайындоо макулдашы үчүн киргизилет.
Бул дайындоо өлкөдөгү суу ресурстарын, айыл чарбаны жана кайра иштетүү өнөр жайын башкарууну күчөтүү, ошондой эле тармактагы реформаларды ишке ашырууга багытталган.
