Бишкек мэриясы жыл ичиндеги иш-чараларды алып барууга 1,5 млн сомго тендер жарыялады
Бишкек мэриясынын маданият башкармалыгы 2026-жыл ичинде иш-чараларды алып баруучулардын кызматын сатып алуу боюнча тендер жарыялады. Мамлекеттик сатып алуулар порталынын маалыматына ылайык, бул максатка 1,5 млн сом жумшоо пландалууда.
Техникалык тапшырмага ылайык, 2026-жылы өтө турган төмөнкү маданий иш-чараларда алып баруучулардын кызматы талап кылынат:
- Кыргыз Республикасынын Туу күнү (3-март);
- Нооруз майрамы (21-март);
- "Кызыл гвоздика" фестивалы (май);
- "Жаш таланттар — 2026" сынагы (апрель);
- Бишкек шаарынын күнү (29-апрель);
- Жеңиш күнү (9-май);
- "Ачык асман алдындагы музыкалык кечелер" долбоору (май–сентябрь);
- Кыргыз Республикасынын Эгемендүүлүк күнү (31-август);
- Жаңы жылдык балатыны жагуу аземи (декабрь);
- Жаңы жылды тосуу (31-декабрь) жана башка иш-чаралар.
Маалыматта белгиленгендей, жыл ичинде кошумча, пландан тышкаркы иш-чаралар да пайда болушу мүмкүн. Ошондуктан тендерге катышуучулар мындай чыгымдарды да алдын ала карашы керек.
Жеткирүүчүлөрдүн сунуштары 11-мартка чейин кабыл алынат.
