Башкы прокурор Сот аткаруучулар кызматынын жаңыланган имараты менен таанышты
Бүгүн Башкы прокурор Максат Асаналиев Башкы прокуратурага караштуу Сот аткаруучулар кызматынын капиталдык оңдоп-түзөөдөн өткөн имараты жана анын айланасындагы аймак менен таанышты. Бул тууралуу Башкы прокуратурадан билдиришти.
Иш сапардын жүрүшүндө кызматтын жетекчилиги аткаруу өндүрүшүн уюштуруу, жарандарды кабыл алуу тартиби жана кызмат көрсөтүүнүн сапатын жогорулатуу боюнча жүргүзүлүп жаткан иштер тууралуу маалымат берди. Ошондой эле материалдык-техникалык базаны чыңдоо жана маалыматтык системаларды өркүндөтүү боюнча көрүлүп жаткан чаралар тууралуу айтылды.
Башкы прокурор имараттагы кызматкерлер үчүн түзүлгөн иш шарттары жана жарандарга ыңгайлуу кабыл алуу инфраструктурасы менен таанышып, кызматтын ишмердүүлүгүн мындан ары жакшыртуу боюнча тиешелүү тапшырмаларды берди.
