Адылбек Касымалиев Түркмөнстанга барды
Министрлер Кабинетинин Төрагасы Адылбек Касымалиев жумушчу сапары менен Түркмөнстанга барды. Бул тууралуу президенттик админстрациянын маалымат жана саясат бөлүмүнөн билдиришти.
Маалыматка ылайык, сапардын жүрүшүндө Министрлер Кабинетинин Төрагасы Көз карандысыз мамлекеттер шериктештигинин өкмөт башчыларынын кеңешинин кезектеги жыйынына катышат, анда соода-экономикалык жана маданий-гуманитардык кызматташтык маселелери талкууланат.
Мындан тышкары, сапардын алкагында мамлекет жетекчилиги менен жолугушуу күтүлүүдө.