Депутат Медина Кайрылбекованын күйөөсү кармалды
Улуттук коопсуздук боюнча мамлекеттик комитет президент Садыр Жапаровдун мурдагы кеңешчиси Жаныбек Кубандыков кармалганын билдирди.
Маалыматка ылайык, Ж.Кубандыков жана дагы бир адам (А.К.Т.) чет өлкөлүк инвесторлорду алдап, өзгөчө ири өлчөмдө зыян келтирген деп шек саналууда.
Бул факты боюнча Кылмыш-жаза кодексинин “Алдамчылык” беренеси менен кылмыш иши козголду. Ушул тапта кылмышка тиешеси бар бардык адамдарды аныктоо, ошондой эле ушуга окшош башка фактыларды табуу боюнча тергөө амалдары жүрүп жатат.
Ал буга чейин Садыр Жапаровдун кеңешчиси болуп иштеген жана Жогорку Кеңештин депутаты Медина Кайрылбекованын жолдошу.
