Тынчтык Шайназаров кайрадан БШКны жетектемей болду
3-июнда Борбордук шайлоо комиссиясынын жаңы курамынын биринчи жыйналышы өттү. Бул тууралуу БШКнын басма сөз кызматы билдирди.
Маалыматта белгиленгендей, жыйналышты БШКнын жаш курагы боюнча улуу мүчөсү Бөдөш Мамырова ачты.
“Кыргыз Республикасынын Шайлоо жана референдум өткөрүү боюнча борбордук комиссиясы жөнүндө” Кыргыз Республикасынын конституциялык мыйзамына киргизилген өзгөртүүлөргө ылайык, Шайлоо жана референдум ѳткѳрүү боюнча борбордук комиссиясынын курамы 8 мүчөдөн турат.
Ошондой эле аталган конституциялык мыйзамга ылайык, биринчи жыйналышта төрага жана анын орун басарлары шайлоо тартибинде тандалат.
БШК мүчөлөрүнүн ачык добуш берүүсүнүн натыйжасында Тынчтык Шайназаров 8 добуш менен Шайлоо жана референдум ѳткѳрүү боюнча борбордук комиссиясынын төрагасы болуп шайланды.
Русланбек Жакышов жана Лейла Лурова Лейла бир добуштан Шайлоо жана референдум ѳткѳрүү боюнча борбордук комиссиясынын төрагасынын орун басарлыгына шайланышты.
