Кыргызстан менен Беларусь ортосунда бир катар документтерге кол коюлду
Кыргызстан менен Беларусь Республикасынын ортосунда аталган өлкөнүн Премьер-министри Александр Турчиндин Кыргызстанга расмий иш сапарынын жыйынтыгында бир катар документтерге кол коюлду. Бул тууралуу президенттик админстрациянын маалыматтык саясат бөлүмүнөн билдиришти.
Кол коюлган документтер:
Кыргыз Республикасынын Министрлер Кабинети менен Беларусь Республикасынын Өкмөтүнүн ортосундагы улуттук айдоочулук күбөлүктөрдү өз ара таануу жана алмашуу жөнүндөгү Макулдашуу;
Беларусь Республикасынын Эмгек жана социалдык коргоо министрлиги менен Кыргыз Республикасынын Эмгек, социалдык коргоо жана миграция министрлигинин ортосундагы Кызматташтык жөнүндөгү Макулдашуу;
Кыргыз Республикасынын Суу ресурстары, айыл чарба жана кайра иштетүү өнөр жай министрлиги менен Беларусь Республикасынын Айыл чарба жана азык-түлүк министрлигинин ортосунда үрөнчүлүк чөйрөсүндө кызматташуу жөнүндө өз ара түшүнүшүү Меморандуму;
Айыл чарба жана азык-түлүк тармагында кызматташуу боюнча Биргелешкен Кыргыз-Белорус Комиссиянын алдындагы биринчи жыйынынын Протоколу;
Эл аралык электр техникалык комиссиясынын стандардизация жана метрология борбору менен "Беларус мамлекеттик стандардизация жана сертификация институту" илимий-өндүрүштүк республикалык унитардык ишканасынын ортосундагы стандартташтыруу, шайкештикти баалоо жана маалымат алмашуу боюнча Макулдашуу;
"Кыргыз почтасы" ААКсы менен "Белпочта" республикалык унитардык ишканасынын ортосундагы почта кызматтары жана электрондук коммерция чөйрөсүндө өз ара пайдалуу кызматташтык жөнүндө ниети жөнүндө Меморандум;
Президенттин Ысык-Көл облусундагы ыйгарым укуктуу өкүлүнүн Аппараты менен Беларусь Республикасынын Витебск облустук аткаруу комитетинин ортосундагы соода-экономикалык, илимий-техникалык, маданий жана гуманитардык чөйрөлөрдөгү кызматташтык жөнүндө макулдашуу;
Кыргыз улуттук университетинин жана А.С. Пушкин атындагы Брест мамлекеттик университетинин ортосундагы өз ара түшүнүшүү жөнүндө Меморандум;
Т. Сатылганов атындагы Кыргыз улуттук филармониясы менен "Беларус мамлекеттик Эмгек Кызыл Туу ордендүү филармониясы" мекемесинин ортосундагы кызматташтык жөнүндө Меморандум;
"М.В.Фрунзе атындагы «Мемориалдык үй-музейи» менен «Улуу Ата Мекендик согуштун Беларус мамлекеттик тарых музейи» мекемесинин ортосундагы кызматташтык жөнүндөгү Макулдашуу;
Г.Айтиев атындагы «Кыргыз улуттук көркөм өнөр музейи» мекемеси менен «Беларусь Республикасынын Улуттук көркөм өнөр музейи» мекемесинин ортосундагы кызматташтык жөнүндө Макулдашуу;
Кыргыз-Беларусь ишкердик кеңешин түзүү жөнүндө макулдашуу.
