Кылмыштуу кирешелерди каржылоого каршы күрөшүү боюнча жыйын өттү
Министрлер Кабинетинин Төрагасынын биринчи орун басары Данияр Амангелдиев 20дан ашуун министрлик жана мекеме жетекчилеринин катышуусунда кылмыштуу кирешелерди каржылоого жана кылмыштуу кирешелерди мыйзамдаштырууга каршы күрөшүү боюнча комиссиянын 17-жыйынын өткөрдү. Жыйын улуттук финансылык коопсуздукту бекемдөөгө жана эл аралык баалоого даярданууга арналды. Бул тууралуу президенттик админстрациянын маалыматтык саясат бөлүмүнөн билдиришти.
Маалыматка ылайык, комиссия тарабынан түзүлүп жаткан ККФ/КА боюнча улуттук стратегиянын түзүмү бекитилди, анын долбоорун 2026-жылдын 1-сентябрына чейин мекемелер аралык жумушчу топ даярдашы керек: документке санариптик IT-чечимдерди киргизүү, алдын алуу чараларын күчөтүү, параллелдүү финансылык тергөө институтун өнүктүрүү жана улуттук жана сектордук тобокелдиктерди баалоону эске алуу менен виртуалдык активдерди камтыган жаңы финансылык инструменттерди жөнгө салуу боюнча артыкчылыктар камтылган.
Кыргызстан Евразиялык топтун өлкөлөрүнүн арасында биринчи жолу өз ара баалоолордун 3-раундуна кирип жатат; комиссия жогорку даярдык деңгээлин белгиледи: 11 мекемелер аралык жумушчу топ түзүлдү, документтик этаптар аяктады жана профилдик суроолорго жооптор жөнөтүлдү; ЕАТнын эл аралык эксперттеринин көчмө миссиясы 2026-жылдын 14-сентябрынан 2-октябрына чейинки мезгилге пландаштырылган.
Сектордук тобокелдиктерди натыйжалуу башкаруу үчүн комиссия бир катар негизги документтерди бекитти: Массалык кыргын салуучу куралды жайылтууну каржылоо тобокелдиктерин баалоо жана азайтуу планы; Турак жай-курулуш секторундагы тобокелдиктерди баалоо отчету; коммерциялык эмес уюмдар секторунда террористтик иш-аракеттерди каржылоо тобокелдиктерин баалоо методологиясы жана пландары; ошондой эле Кыргызстан менен байланышкан чет өлкөлүк юридикалык жактардын тобокелдиктерин баалоо жана кумар оюндарына байланыштуу тобокелдиктерди баалоо демилгеленди.
Мындан тышкары, санариптик чөйрөдөгү операциялардын коопсуздугун жогорулатууга багытталган виртуалдык активдер сектору үчүн FATFдин "Жол картасын" этап-этабы менен ишке ашыруу планынын иштелип чыгышына старт берилди.
