“Көндүмдөрдү өнүктүрүү фонду” жоюлду
Министрлер кабинети Эмгек, социалдык камсыздоо жана миграция министрлигине караштуу “Көндүмдөрдү өнүктүрүү фондун” жоюу тууралуу чечим кабыл алды.
Тиешелүү токтомго ылайык, министрлик атайын жоюу комиссиясын түзүп, фонддун ишмердүүлүгүн расмий токтотуу иштерин жүргүзөт. Ошондой эле фонддун мүлкүн өткөрүп берүү, укук мураскерлик маселелерин чечүү жана бюджеттик каражаттардын калдыктарын бөлүштүрүү каралган.
Мындан сырткары, фонддун түзүлүшүнө байланыштуу мурда кабыл алынган бир нече өкмөттүк токтомдор күчүн жоготту. Ошол эле учурда министрликтин башкаруу түзүмүнө да өзгөртүүлөр киргизилди.
