ШКУнун жыйынында Тышкы иштер министрлери бир катар документтерге кол коюшту
Чолпон-Ата шаарында өткөн Шанхай кызматташтык уюмуна мүчө мамлекеттердин ТИМ башчыларынын жыйынан кийин бир нече чечимдерге кол коюлду.
Кол коюлган документтер:
Шанхай кызматташтык уюмуна мүчө мамлекеттердин башчыларынын кеңешинин жыйынынын күн тартибинин долбоору жана “ШКУ плюс” форматындагы жолугушуунун негизги темалары жөнүндө;
Шанхай кызматташтык уюмуна мүчө мамлекеттердин башчыларынын кеңешинин жыйынында кол коюла турган документтердин тизмесинин долбоору жөнүндө;
Шанхай кызматташтык уюмуна мүчө мамлекеттердин башчыларынын кеңешинин жыйынынын документ долбоорлору жөнүндө;
2026-2027-жылдары Пакистандын Лахор шаарына “Шанхай кызматташтык уюмунун туристтик жана маданий борбору” макамын берүү талапкерлиги жөнүндө;
Шанхай кызматташтык уюмуна мүчө мамлекеттердин эл аралык маалымат коопсуздугун камсыздоо жаатындагы өз ара иштешүү планы жөнүндө;
Шанхай кызматташтык уюмунун Ардак грамотасы жөнүндөгү жобого толуктоо киргизүү тууралуу;
Шанхай кызматташтык уюмунун Башкы катчысынын Катчылыктын былтыркы ишмердүүлүгү тууралуу отчету жөнүндө.
Мындан сырткары ШКУга мүчө мамлекеттердин Тышкы иштер министрлер кеңешинин билдирүүсү кабыл алынды.
