Садыр Жапаров Астанада өтө турган эл аралык мелдештин ачылыш аземине катышат
Президент Садыр Жапаров 29-июлда Казакстанга расмий иш сапары менен барды. Бул тууралуу президенттин админстрациясынан билдиришти.
Мамлекет башчысын Астана шаарынын эл аралык аэропортунан Казакстандын премьер-министри Олжас Бектенов жана башка өкүлдөр тосуп алышты.
Сапардын алкагында өлкө башчысы Садыр Жапаров эл аралык “Келечек оюндары – 2026”мелдешинин ачылыш аземине катышат. Ошондой эле мелдештер өтө турган спорттук жайларды кыдырып, алардын даярдыгы менен таанышат.
Белгилей кетсек, “Келечек оюндары” – салттуу спорт менен заманбап технологияларды айкалыштырган эл аралык көп спорттук мелдеш болуп саналат.
