Куванычбек Конгантиевге 500 миң сом айып пул салынды
15-июнда үй камагына чыгарылган Жогорку Кеңештин мурдагы депутаты Куванычбек Конгантиевге сот 500 миң сом айып пулсалынды. Бул тууралуу Бишкек шаардык сотунун басма сөз кызматы билдирди.
Конгантиев Кылмыш-жаза кодексинин 337-беренесинин 2-бөлүгү “кызматтык абалын кыянаттык менен пайдалануу” боюнча беш эпизоддо күнөөлүү деп табылган.
Сот мамлекеттин пайдасына 500 миң сомго милдеттендирди.
Быйыл 10-мартта Куванычбек Конгантиев депутаттык мандатынан баш тарткан.
УКМКнын маалыматына ылайык, ал аффилирленген жеке жана юридикалык жактарды пайдаланып, жер тилкелерине байланышкан мыйзамсыз схемаларды уюштурган деп шектелген.
