Нарында бизнес кылуу кыйын — калк аз, рынок чектелүү. Бирок эң мыкты даамдагы азыктарды чыгарган ишкерлер бар

Нарында бизнес кылуу кыйын — калк аз, рынок чектелүү. Бирок эң мыкты даамдагы азыктарды чыгарган ишкерлер бар

Нарында бизнес кылуу кыйын — калк аз, рынок чектелүү. Бул тууралуу ИШКЕР MEDIA басылмасына маек курган, жарым фабрикат азыктарды чыгарган "Бай Нарын" ишканасынын негиздөөчүсү Нурлан Шаршенов айтып өттү.

Ат-Башыдан чыккан ишкер КУУнун Экономика факультетин бүтүргөн жана  2003-жылдан баштап эт менен иштейт, тагыраак айтканда, Нарындан Бишкекке эт ташычу.

"2019-жылы Нарында "Бай Нарын" деп эт дүкөн, анын жанына пельмен чыгарган цех ачтым. Ал жерде фрикадельки, котлет, чучук, ышталган чучук чыгарабыз. Буюртма менен манты деле жасайбыз. Цехте 5 адам, башкаларды да кошкондо, жалпысынан тогуз адам иштейт", — деген Шаршенов алар чыгарган продукция накта, экологиялык жактан таза, ар кандай кошулмалары жок экенин айтты.

Негизинен чыгарган азыктарын Нарындын ичинде эле өткөргөн Шаршенов ишмердүүлүгүн 200 миң сом менен баштаган жана учурдагы жылдык акча айлантуусу 5 млн сомдун тегерегинде.

"Нарында бизнес кылуу өтө кыйын. Калк аз, элде акча жок, карызга дегендер көп. Кубатттуулугун көтөрсөм болот эле, бирок Нарында ошол эле жетишет. Рынок чектелүү", — деди ал.

Ал Бишкекке азыктарын жөнөтөт, бирок өзүн-өзү актабай келет, анткени кардарлар билишпейт.

"Бишкекте таратып сатып жатышат, бирок өтө аз кетет. Эки жылдан бери эле жөнөтүп жатабыз, бирок чыгымын актабай жатат. 100 миң сомдун эле тегерегинде, сатуу көтөрүлгөн жок. Ал эми "Глобус", "Фрунзе" сыяктуу чоң соода түйүндөрүнүн шарттары каттуу экен, кайтарым болот экен, бир сатыкка чыгарган соң артынан запаста тонналап туруш керек экен", — деди ал.

Бир жагынан, борборго чоң көлөмдө жөнөтүү үчүн өндүрүшүн чоңойтууга арзан пайыз менен насыя алайын десе, "РСК" банкынан 6% менен алган 5 млн сом кредитин жаап бүтө элек.  

"Мындай кредиттер жыл сайын эле келип турат экен. Нарында өндүрүшчүлөр аз. Бизде негизинен мал чарбачылык да. Эт тармагы жакшы", — деген "Бай Нарын" ишканасынын негиздөөчүсү эми быштак, каймак, айран чыгарайын деп киришип жатканын кошумчалады.

Мындан тышкары окуңуз

Кыргыз-Америкалык кызматташтык талкууланды

Кыргыз-Америкалык кызматташтык талкууланды

Бүгүн КРнын Тышкы иштер министри Жээнбек Кулубаев КРгы Америка Кошмо Штаттарынын Элчиси Лесли Вигерини кабыл алды. Жолугушууда тараптар кыргыз-америкалык кызматташтыктын кеңири чөйрөсүндөгү маселелерди жана “С5+1” форматындагы өз ара аракеттенүүнү талкуулашты. Ж.Кулубаев КРсы АКШ менен саясий диалогду мындан ары өнүктүрүүгө, ошондой эле соода-экономикалык жана инвестициялык байланыштарды тереңдетүүгө өзгөчө маани

Топографиялык сүрөткө тарттыруу эмнеге маанилүү?

Топографиялык сүрөткө тарттыруу эмнеге маанилүү?

Эгер сиз Бишкектен жер тилкесине ээ болуп, курулуш баштоону пландап жатсаңыз — эң биринчи кадам топографиялык сүрөткө тарттыруу болушу керек. Бул — сиздин объектиңиздин так жайгашкан жерин аныктап, жер астындагы инженердик тармактарды (түтүктөр, кабелдер ж.б.) көрсөтүүгө жардам берген маанилүү кадам. Бул тууралуу Курулуш министрлиги билдирет. Бишкектеги жер тилкелеринин топографиялык пландарын Шаар

7-ноябрь иш күнү болот

7-ноябрь иш күнү болот

КРнын Эмгек, социалдык камсыздоо жана миграция министрлиги эскертет: Кыргыз Республикасынын Эмгек кодексинин 66-беренесине ылайык, 7 жана 8-ноябрь — Тарых жана ата-бабаларды эскерүү күндөрү — мамлекеттик майрам күндөрү болуп саналат. Ошол эле учурда, эмгек мыйзамдарынын жоболоруна ылайык, бул күндөр иш күндөрү болуп эсептелет, бирок бир саатка кыскартылат.  Ал эми 8-ноябрь 6 күндүк иш

Кыргызстанда 9 айда эт продукцияларынын импорту өскөн

Кыргызстанда 9 айда эт продукцияларынын импорту өскөн

Кыргызстанга 9 айда эт продукцияларынын негизги түрлөрүнүн импорту өскөнү ЕАЭБ жана үчүчүнчү өлкөлөр боюнча жыйынтыкталган отчетунда көрсөтүлдү. 9 айы ичинде Кыргызстанга: –    үй канаттуулар эти  – 80,9 миң тоона; –    уй эти – 1,54 миң  тонна; –    чочко эти – 0,86 миң тонна; –    кой эти – 0,46 миң тонна.  Цифралар көрсөтүп тургандай Кыргызстанга