Бизнес

Кытайлык «АФЕЙ Холдинг» Кыргызстанга 5 млн долларлык инвестиция салат - ооруканаларда диагностикалык борборлорду ачат

Назира Абдиева

14 сент. 2022 19:31

Кытайлык «АФЕЙ Холдинг» ЖЧК Мамлекеттик-жеке өнөктөштүк борборунун (МЖӨ) долбоорунун алкагында Кыргызстандын алты ооруканасына компьютердик-томографиялык диагностикалык борборлорду ачат. Бул тууралуу Улуттук инвестициялык агенттик билдирди.

Белгилей кетсек, Бишкек шаарында КРнын саламаттыкты сактоо мекемелерине компьютердик томографтарды орнотууга багытталган мамлекеттик-жеке менчик өнөктөштүктүн долбоордук келишимине кол коюлду. Келишимге ылайык, өлкөнүн төмөндөгү чоң алты ооруканасына заманбап компьютердик томографиялык аппараттар орнотулган кабинеттер курулат: Өзгөн, Токтогул, Кадамжай, Балыкчы аймактык ооруканалары, №4 Клиникалык тез жардам ооруканасы жана КРнын Саламаттыкты сактоо министрлигинин алдындагы Республикалык диагностикалык борбор.

МЖӨнүн жогоруда аталган долбоорду ишке ашыруу үчүн өткөргөн ачык конкурсунун негизинде инвестор катары кытайлык «АФЕЙ Холдинг» ЖЧК компаниясы тандалып алынды. Инвестициянын суммасы 5 млн АКШ долларынан ашат. Ишкана 18 айдын ичинде даярдык жана жабдууну орнотуу иштерин жүргүзөт.

МЖӨнүн келишимине ылайык, «АФЕЙ Холдинг» ЖЧК компаниясы өнөктөш катары 15 жыл бою өзүнүн жеке каржылык ресурстарынын эсебинен техникалык кызматтарды көрсөтүп, кыргызстандык дарыгерлер менен эриш-аркак иштей турган жогорку квалификациялуу дарыгер-диагносчуларды алып келип, окутууларды жүргүзүп жана өлкөнүн дарыгерлери менен Кытай дарыгерлеринин тажрыйба алмашуусуна шарттарды түзүп берип турат.

15 жылдан соң, келишимдин мөөнөтү бүткөн учурда жеке инвестор бардык объектилер менен жабдууларды КРнын мамлекеттин толук менчигине өткөрүп берет.

Эскерте кетсек, өткөн жылы 27-декабрда мурдагы Инвестиция боюнча агенттиктин (KADI) жетекчиси Нурадил Баясов AFEI Holding корпорациясынын төрагасы менен жолугушкан. Андагы сүйлөшүүлөрдүн жыйынтыгында корпорация мамлекеттик-жеке өнөктөштүктүн алкагында муниципалдык ооруканалардын аймагында диагностикалык борбор ачууга кызыкдар экенин билдиришкен болчу.

Мындан тышкары окуңуз

Чүйдө баңгизатын мыйзамсыз жүгүртүүгө шектүү кармалды

Чүй облустук ички иштер башкы башкармалыгы баңгизаттарды мыйзамсыз жүгүртүүгө шектүү жаран кармалганын билдирди. 28-февралда Аламүдүн РИИБге Арашан айылында баңгизат табылганы жөнүндө ыкчам билдирүү келип түшкөн. Текшерүү учурунда 18 жаштагы Р.А. аттуу жарандын жанындагы баштыктан салмагы 35 граммды түзгөн психотроптук зат табылган. Аталган факт боюнча Кылмыш-жаза кодексинин 282-беренеси (Баңгизат каражаттарын,

Кыргызстан, Өзбекстан компанияларынын ортосунда 500 миң долларлык келишим түзүлдү

Ташкент шаарында Кыргызстандын Соода өкүлчүлүгүнүн көмөгү менен ата мекендик "Алайку Органикс" ЖЧКсы жана өзбекстандык Alaiku ЖЧКсы фирмасынын ортосунда 500 миң долларлык экспорттук келишим түзүлдү. Эки өлкөнүн бизнес өкүлдөрүнүн ортосунда түзүлгөн мындай келишимдер мамлекеттердин соода-экономикалык кызматташтыгын өнүктүрүүдө маанилүү кадам болуп саналат. Буга чейин Кыргызстандын Соода өкүлчүлүгү компаниянын продукциясын Өзбекстан

1-апрелден тарта медиктердин айлыгы 100 пайызга көбөйөт – Мамадалиев

1-апрелден тарта медицина кызматкерлеринин айлыгы 100 пайызга көбөйтүлөт. Бул тууралуу бүгүн Жогорку Кеңештин жыйынында саламаттык сактоо министринин орун басары Тилек Мамадалиев билдирди. Анын айтымында, бул чечим дарыгерлердин көп жылдан бери көтөрүлүп келген негизги көйгөйлөрүнүн бирин чечүүгө багытталган. Ошондой эле алыскы аймактарда иштеген медицина кызматкерлерин колдоо боюнча кошумча чаралар көрүлүүдө. Маселен,

Фейк аккаунттар аркылуу каралагандар мыйзам чегинде жоопко тартылат

Фейк аккаунттар аркылуу каралоо иштерине каршы мыйзам чегинде чаралар көрүлөт. Бул тууралуу ички иштер министринин орун басары Нурбек Абдиев Жогорку Кеңештин жыйынында билдирди. Анын айтымында, мамлекетти жана жогорку кызмат адамдарын каралаган фактылар боюнча тиешелүү иштер жүргүзүлүп жатат. Абдиев белгилегендей, жакында кармалган аял эки фейк аккаунт ачып алып, мамлекетке карата жалган