Кайсы бизнес ЕАЭБ ичинде бажы жеңилдиктерин ала алат?
Бүгүн, 3-октябрда, Инвестициялык агенттик Евразия экономикалык биримдигинин (ЕАЭБ) алкагында кайсыл ишкерлерге бажы төлөмдөрүн, салыктарды жана тарифтик преференцияларды төлөөдө жеңилдиктерди ала аларын билдирди.
Белгиленгендей, Инвестициялык агенттик ишкерлерге көмөк көрсөтүү максатында «Инвестициялык долбоорлордун реестрин» түзгөн, ага төмөнкүлөр кирет:
- инновациялык технологияларга негизделген өнөр жай өндүрүшү;
- жеңил өнөр жай;
- тамак-аш өнөр жайы;
- энергетика;
- айыл чарбасы, айыл чарба продукциясын өндүрүү жана кайра иштетүү;
- чогултуу өндүрүшү;
- туризм;
- экспортко багытталган өндүрүш;
- тармактар, байланыш жана коммутация системалары;
- жол транспорту жана жол куруу;
- банктык жана төлөм иши;
- саламаттыкты сактоо (медициналык техника, анын ичинде анын тетиктерин жана запастык бөлүктөрүн, ошондой эле медициналык буюмдар);
- аба транспорту (жарандык жүргүнчүлөрдү ташуучу учактар).
Ишкердиктин бул түрлөрү ЕАЭБге мүчө мамлекеттерге технологиялык жабдууларды, ага тетиктерди жана запастык бөлүктөрдү, мүчө мамлекеттин аймагында гана пайдалануу үчүн ташылып келинүүчү сырьё жана материалдарды ташып келүү үчүн бажы алымдарын төлөөдөн бошотулат.
Бүгүнкү күндө «Инвестициялык долбоорлордун реестринде» долбоорлору ишке ашыруу стадиясында жана ишке киргизүүнү пландаштырып жаткан 80 компания бар. Инвестициялык агенттик реестрге киргизүү үчүн арыздарды кабыл алууну улантууда.
Кызыккандар төмөнкү телефондор боюнча кайрылса болот: +996 (312) 300 238, +996 (702) 022 320.
