Кыргызстандын жаңы туристтик объектилери үч жылга салыктан бошотулушу мүмкүн

Жаңы ачылган туристтик объектилерди үч жылга салыктан бошотуу сунушталды. Бул тууралуу брифинг учурунда Туризм департаментинин жетекчиси Кыял Кенжематова билдирди.

Адистин айтымында, мында кеп жаңы мейманканаларды, тоо-лыжа базаларын, туристтик жана этнокомплекстерди салыктан бошотуу тууралуу жүрүүдө.

«Туристтик объектилерди курган ишкерлерди жок дегенде алгачкы үч жылда салыктан бошотуу боюнча сунуш бар. 2024-жылдан тарта биз муну жасай алабыз деп ишенем. Министрдин өзү бул демилгени колдоду», - деди Кенжематова.

Департаменттин жетекчиси ушундай эле тажрыйбаны коңшу Өзбекстан колдонуп келерин кошумчалады.