«Жашыл» кредиттер: 15% чейин грант алуу мүмкүнчүлүгү

«Жашыл» кредиттер: 15% чейин грант алуу мүмкүнчүлүгү

Компаньон Банкы KyrSEFF – Кыргызстанда жашыл экономиканы каржылоо программасы  менен энергияны үнөмдөө максатында бизнес жана керектөө кредиттерин берүү боюнча өнөктөштүгү туралуу кубануу менен жарыя кылат. Бул демилге ишканаларга жана жеке адамдарга имараттардын жана өндүрүштүк кубаттуулуктардын энергия натыйжалуулугун жакшыртууга жана айлана-чөйрөнү коргоого жардам берүүгө багытталган.

Программа (KyrSEFF) Европа реконструкциялоо жана өнүктүрүү банкы (ЕРӨБ) тарабынан иштелип чыккан. KyrSEFF III программасынын негизинде жалпы суммасы 55млн АКШ долларын түзгөн жана 2012-2022-жылдар аралыгында Европа биримдигинин колдоосу менен ийгиликтүү ишке ашырылган ушундай эле KyrSEFF I & II каржылоо программалары турат. Аталган программалар аркылуу каржыланган 3300гө жакын долбоор жыл сайын 199,201 МВт/саат энергияны, 166,000 м3 ашык сууну үнөмдөөнү камсыз кылды жана CO2нин жылдык чыгымдарын 66,000 тоннага кыскартууга жардам берди.  

Буга чейинки программалар негизинен энергия жана ресурстардын натыйжалуулугун жогорулатууга багытталган, ал эми жаңы программа өзүнүн иш чөйрөсүн кеңейтет. Программа климаттын өзгөрүшүнө туруктуулукту жана ага адаптация болууну колдогон жаңы инклюзивдик финансылык продуктуларды киргизүүгө, айлана-чөйрөнүн булганышын азайтууга жана сууну туруктуу пайдаланууга көмөк көрсөтүүгө багытталат.

Туруктуу өнүгүүнүн бир бөлүгү болуу менен, энергоресурстарды сактоого жана айлана-чөйрөнү коргоого өз салымыңызды кошуу мүмкүнчүлүгүн колдон чыгарбаңыз. Компаньон Банкы энергия үнөмдөөчү долбоорлорду ишке ашырууда сиздин ишенимдүү өнөктөшүңүз болууга даяр.

Компаньон Банкы кубануу менен ар кандай максаттар үчүн кредиттерди берет:

• Үйлөрдү, лоджияларды жана балкондорду жылуулоо;

• Имараттарды (тышкы дубалдарды, чатырларды жана полдорду) жылуулоо;

• Жылытуу жана муздатуу системалары үчүн жылуулук насосторун орнотуу;

• Энергоэффективдүү жарыктандырууну орнотуу (ЭЖТ-лампалар, сенсорлор, автоматика);

• Сплит системасы бар кондиционерлерди орнотуу («А+» классы жана андан жогору);

• Күн системаларын орнотуу (күн коллекторлорун, күн фотоэлектр панелдерин сатып алуу);

• Сууну үнөмдөөчү технологияларды орнотуу (крандар, душ баштары, сууну үнөмдөөчү дааратканалар, тазалоочу курулмалар, жамгыр суусун чогултуучу резервуар, тамчылатып сугаруу);

• Өндүрүш жабдууларын орнотуу;

• Энергоэффективдүү терезелерди сатып алуу, лоджияларды жана балкондорду айнектөө;

• Муздаткыч жана тоңдургуч жабдууларды сатып алуу («А+» классы жана андан жогору);

• Электромобилдерди сатып алуу (птакси паркы, микроавтобустар, маршруттук таксилер);

• Күнөсканаларды модернизациялоо ж. б.

Бул программанын негизги артыкчылыктарынын бири кредиттин суммасынан 15%га чейин грант алуу мүмкүнчүлүгү болуп саналат. Башкача айтканда, кардарлар кредиттин бир бөлүгүн жарым-жартылай кайтарып алуу мүмкүнчүлүгүнө ээ. Грант энергоэффективдүү иш-чаралар ийгиликтүү ишке киргизилгенде төлөнөт. Ал эми гранттык төлөмдөрдүн өлчөмү KyrSEFF программасынын консультанты тарабынан энергоэффективдүү иш-чаралардын түрүнө жана энергияны үнөмдөөгө сарпталган каражаттардын суммасына жараша, максаттуу пайдалануу документтер менен тастыкталгандан кийин, ар бир учурда өзүнчө аныкталат

Компаньон Банкы ошондой эле кредит алуучулар үчүн бир катар ыңгайлуу шарттарды сунуштайт:

• Кредитти төлөөнүн ийкемдүү графиги кардарларга кайтарып берүүнүн эң ыңгайлуу мөөнөтүн тандоого мүмкүндүк берет;

• Бизнес-кредит боюнча жеңилдетилген мезгил.

Мындан тышкары, KyrSEFF программасына катышкан бардык кардарлар программанын адистеринен акысыз техникалык кеңеш алышат. KyrSEFF алкагында жашыл технологиялар селектору киргизилген, ал алдын ала жактыруудан өткөн жана жашыл каржылоо программаларынын алкагында ЕРӨБ каржылоосун жергиликтүү каржы мекемелеринен алууга укугу бар жогорку өндүрүмдүү технологиялардын/материалдардын эл аралык сайт-каталогу болуп саналат. Бардык кредит алуучулар үчүн берилет.

Кредит шарттары бизнес жана жеке адамдар үчүн айрымаланат. Бизнес-кредит үчүн 50 000 сомдон 2 000 000 сомго чейинки сумма жеткиликтүү, ал эми кредиттин мөөнөтү 3 айдан 60 айга чейин. Керектөө кредити үчүн 10 000 сомдон 2 000 000 сомго чейинки сумма жеткиликтүү, ал эми төлөө мөөнөтү 3 айдан 60 айга чейин.

Компаньон Банкы кардарларды бул сонун мүмкүнчүлүктөн бүгүн колдонууга чакырат. Акчаңызды үнөмдөө үчүн гана эмес, айлана-чөйрөгө пайда алып келүү үчүн, бизнесиңизди өнүктүрүп, энергоэффективдүүлүк жана энергияны үнөмдөөгө жумшаңыз.

KyrSEFF программасы жана насыялардын шарттары жөнүндө кошумча маалымат алуу үчүн сиз 88 00 номери боюнча Кардарларды колдоо кызматына (КРдин мобилдик операторлорунан чалуу акысыз) же Компаньон Банкынын кеңселерине кайрылсаңыз болот.

Read more

«Альянс Алтын» «жашыл» энергетика жана адам капиталына инвестициялоо курсун белгиледи

«Альянс Алтын» «жашыл» энергетика жана адам капиталына инвестициялоо курсун белгиледи

Ысык-Көлдө өткөн VII кыргыз-орус экономикалык форумунда «Альянс Алтын» компаниясы өз ишмердүүлүгүнүн негизги багыттары менен тааныштырды. Бул тууралуу ишкананын басма сөз кызматы билдирди. Негизги көңүл Талас районундагы «Жерүй» кичи ГЭСинин курулушуна жана ЖОЖдор менен биргеликте билим берүү демилгелерин баштоого багытталган. Кубаттуулугу 28 МВтка чейинки диверсиялык ГЭСти куруу боюнча инвестициялык долбоорду «Альянс

Талас өнүктүрүү фонду минералдык суу чыгаруучу кичи заводду ишке киргизүүгө колдоо көрсөттү

Талас өнүктүрүү фонду минералдык суу чыгаруучу кичи заводду ишке киргизүүгө колдоо көрсөттү

Талас районунун Беш-Таш айылында быйыл күзүндө Арашан бренди менен ичүүчү минералдык суу чыгаруучу кичи завод иштей баштайт. Долбоор Талас районунун өнүктүрүү фондунун каржылык колдоосу менен ишке ашырылууда. Бул тууралуу Айыл чарба министрлиги билдирди. Башкармалыкта белгиленгендей, ишкананын курулушуна 10,1 млн сом каралса, анын 7 млн сому жабдууларды сатып алууга бөлүнгөн.

Альянс Алтын лабораториясы ISO/IEC 17025:2019 эл аралык аккредитациясын алды

Альянс Алтын лабораториясы ISO/IEC 17025:2019 эл аралык аккредитациясын алды

«Альянс Алтын» ЖЧКсынын Борбордук анализ жана аналитикалык лабораториясы ISO/IEC 17025:2019 эл аралык стандартына ылайыктуулугу боюнча аккредитациялык сертификатка ээ болду. Бул тууралуу компаниянын басма сөз кызматы билдирди. Компания белгилегендей, бул стандарт сыноо жана калибрлөө лабораторияларынын компетенциясына талаптарды белгилейт жана алардын масштабына карабастан лабораториялык сыноолорду жүргүзгөн бардык уюмдарга жайылтылат. Аккредитация

«Альянс Алтын» 1000-кызматкерин кабыл алды

«Альянс Алтын» 1000-кызматкерин кабыл алды

2025-жылдын 23-июлунда «Альянс Алтын» компаниянын расмий штаттык курамына 1000-кызматкер кабыл алынды. Бул тууралуу ишкана билдирди. Такталгандай, жаңы кызматкер Сасык-Булак айылынын (Шумкар-Уя айыл аймагы) тургуну Сыргак уулу Бекболсун болду. Ал 18-июлда ишкананын Автотранспорт башкармалыгынын Автоунааларды оңдоо кызматына нөөмөтчү автослесарь болуп жумушка орношкон. Бул символикалык сан кызматкерлердин катары көбөйүп жатканын гана эмес,