Бизнес

Кочкор районунда бут кийим чыгара турган өндүрүш ишканасы ишке кирди

Чынгыз Керимбеков

01 авг. 2023 11:10

Бүгүн 31-июлда Нарын облусунун Кочкор районунда «Жибек Жолу» бут кийим чыгаруучу жоопкерчилиги чектелген ишканасы ачылды. Бул тууралуу президенттин Нарын облусундагы ыйгарым укуктуу өкүлүнүн басма сөз кызматы билдирди.

Такталгандай, кытай инвесторлорун тартуу аракети менен ачылган ишканада учурда 63 жумуш орду түзүлүп, 1 линия менен күнүнө 2000 даана спорттук бут кийимдер тигилүүдө. Ишкана болжол менен бир айда 60 миң, бир жылда 720 миң жуп бут кийим өндүрө алат. Мында иштегендердин 17си кытай мастерлери болсо, калган 46 жумушчу жергиликтүү тургундар.

Ишкана Нарын Эркин экономикалык аймагынын субьектиси болуп эсептелет. Кытай инвестору Тцао мырзанын айтымында, ишкананы ачууга 2 миллион доллар түз инвестиция салынат. Ремонт жана товар жүгүртүү иштерине 500 миң доллар жумшалары пландалган. Сырье Кытайдан алынып келинип, Кыргызстанда тигилип, өндүрүлгөн продукция Россия мамлекетине экспорттолот. Учурда 1 линия иштеп жатса, ушул жылдын аягына чейин 2-3-линиялар ишке кирип, жумуш орундарын 2-3 эсеге көбөйтүү планы бар.

Ишкананын ачылганына жергиликтүү тургундар ыраазы болууда. Жумушчуларга күнүнө 1000 сомдон айлык маяна, мындан сырткары тамак-аш берилет. Мамлекеттик салык кызматынын Кочкор райондук болүмүнүн башчысы Нурлан Абакиров билдиргендей, ишканадан айына болжол менен 150 миң сомдун тегерегинде киреше салыгы түшөт. Ошондой эле социалдык фондго төлөмдөр төлөнөт.

Мындан тышкары окуңуз

Социалдык жөлөк пул алуучуларга 10 айда 7,2 млн сом жумшалды

Кыргызстанда 1-ноябрга карата 108,4 миң адам ар ай сайын социалдык жөлөк пул алат. Эмгек, социалдык камсыздоо жана миграция министрлигинен билдирүүсүнө таянып, “Кабар” агенттиги жөлөк пул алуучулардын саны 2024-жылдын ушул мезгилине салыштырмалуу (108,7 миң) 2%га азайганын жазды. Ай сайын берилүүчү социалдык жөлөк пул төмөндөгү категориядагы адамдарга берилет: * 18

Эң көп жана эң аз добуш алган айым депутаттар

БШК парламенттик шайлоонун алгачкы жыйынтыгын жарыялады. Андагы маалыматтарга ылайык, эң көп эң аз добуш топтогон айымдардын тизмесин көрүүгө болот. Добуштарды эсептөө толук аягына чыга электигине байланыштуу бул көрсөткүчтөр өзгөрүлүшү да мүмкүн. Мыйзам боюнча 30 шайлоо округунан бирден аял депутат болгондо парламентке 30 аял келиши керек. · №23 округ - Элвира Сурабалдиева

Жогорку Кеңешке өткөн депутаттардын эң улуусу 69, эң кичүүсү 25 жашта

Кыргызстан парламентине өткөн 90 депутаттын болжолдуу түзүлгөн тизмеси боюнча VIII чакырылыштагы депуттардын эң улуусу 69 жаштагы Гүлай Машрапова болду. Ал 1956-жылы Кара-Суу районунун Большевик айылында жарык дүйнөгө келген. Мурда Кара-Суу райондук билим берүү бөлүмүндө эмгектенген Г. Машрапова БШКга пенсионер катары арыз таштаган. Жогорку Кеңеш регламентинин 8-беренесинин 2-пункту боюнча ЖК төрагасы

Саламаттык сактоо министрлигине СЧЭ боюнча ыйгарым укуктары берилет: бизнес, жарандар үчүн эмне өзгөрөт?

Кыргызстанда санитардык ченемдер жана эрежелер (СЧЭ) мындан ары МинКаб тарабынан бекитилбей Саламаттык сактоо министрлигине өткөрүлүп берилет. Юстиция министрлигине караштуу Ченем жаратуу жана мыйзамдын үстөмдүгү институтунун директору Аяз Жаркынбаевдин айтымында, бул чечим бюрократиялык процедураларды жөнөкөйлөтүүгө жана нормаларды тез жаңылоого багытталган. Санитардык нормалар жана эрежелер — бул техникалык талаптарды камтыган өзүнчө нормативдик документтер.