Монополияга каршы жөнгө салуу кызматы «Яндекс.Таксиге» жазма эскертүү берди
Монополияга каршы жөнгө салуу кызматы «Яндекс.Таксиге» жазма эскертүү берди. Бул тууралуу Монополияга каршы жөнгө салуу кызматы билдирди.
Мекеме кайрылууларынын ошондой эле «Яндекс.Такси Корп» ЖЧКсынын аракеттери боюнча интернетте таркалып жаткан маалыматтардын негизинде, керектөөчүлөрдүн укуктарын коргоо максатында компаниясы тарабынан берилген материалдар жана компаниянын иши тууралуу маалыматтар талданды.
Материалдарды кароонун алкагында «Яндекс. Такси Корп» ЖЧКсы тарабынан мыйзамдын талаптарына ылайык келбеген төмөндөгүдөй аракеттер аныкталды:
- керектөөчүгө толук жана так маалыматтар жеткирилген эмес;
- көрсөтүлүүчү кызматтардын коопсуздугун жана сапатын камсыз кылбоо;
- суроо-талап күчөгөн мезгилде тарифтерди түзүү механизминин түшүнүксүздүгү.
Жогорудагыларга байланыштуу, КРнын керектөөчүлөрдүн укуктарын коргоо жөнүндөгү мыйзамдарынын талаптарына ылайык, Кызмат тарабынан жазма эскертүү (предписание) берилди. Аны аткарууга 2023-жылдын 7-сентябрына чейин убакыт берилди.
