Баш калаанын түштүгүндө «Байтик Ресорт» курорту курулат
Бишкектен түштүктү карай 20 километр аралыкта «Байтик Ресорт» курорту пайда болот. Бул тууралуу Туризмди өнүктүрүүнү колдоо фонду билдирди.
Фонд маалымдагандай, учурда иштебей турган «Политех», «Кашка-Суу» жана «Оруу-Сай» эс алуу жайлары бир кластерге бириктирилет.
Долбоордун башкы максаттарынын бири – элди тоо лыжасына тартуу болуп саналат. Анын иши жай мезгилинде да иши токтобойт. Каалоочулар ысыктан калкаланып, спорт менен машыгып, убактысын кызыктуу өткөрүп кетсе болот. Эс алуу жайынын эң чоң артыкчылыгы - борбор калаага жакын жайгашкандыгы.
Бул долбоор 2022-жылы Кыргызстандагы туризмди өнүктүрүүнү колдоо фонду тарабынан демилгеленген. Жакында долбоор министрлеркКабинетинин төрагасына жана бир канча мекемелердин башчыларына жиберилген жана ал жактан андан аркы өнүктүрүү планы жактырылган.
