Салык кызматы ишкерлерди онлайн каттоо кызматын ишке киргизди — нускама
Салык кызматы салык төлөөчүлөрдү онлайн каттоо кызматын ишке киргизди. Бул тууралуу органдын басма сөз кызматы билдирди.
Маалыматка ылайык, эми ишкерлер жеке ишкер же жеке жак катары катталуу үчүн салык органына барбай туруп сabinet.salyk.kg сайтынан эле арыз бере алышат.
Каттоого арыз түзүү үчүн аталган сайттын "Каттоо" бөлүмүн тандап, андан кийин "Салык төлөөчүнү каттоого онлайн арыз берүү" бөлүмчөсүнөн идентификациялоо жол-жобосунан өтүү керек.
Бул үчүн төмөндө көрсөтүлгөн үч ыкманын бирин колдонууга болот: идентификациялоонун бирдиктүү системасын (ЕСИ); электрондук цифралык кол тамганы (ЭЦП); Smart-iD KG.
Cabinet.salyk.kg сайтынын "Каттоо" бөлүмүнөн эле арыздын статусун көрүп, жеке ишкерди мамлекеттик каттоо жөнүндө күбөлүктү басып чыгарууга болот. Күбөлүк арыз берилген күндөн тартып 3 жумушчу күндүн ичинде берилет.
