Бизнес

Баткен облусунда жабыркаган ишкерлердин имараттары калыбына келтирилди

Чынгыз Керимбеков

15 янв. 2024 13:53

2024-жылдын 10-11-январында Экономика жана коммерция министрлигинин кызматкерлери Лейлек районунун Кулунду айыл өкмөтүндө болушту. 2022-жылдын 14-17-сентябрында Баткен облусундагы жабыркаган ишкерлерди колдоонун учурдагы абалы менен таанышуунун алкагында Лейлек районунун Жаңы-Жер айыл аймагы жана Баткен шаарынын ишкерлери менен жолугушту.

Түздөн-түз жардам алган, кыйынчылыктарды баатырларча жеңип, бир топ ийгиликтерге жетише баштаган жергиликтүү тургундар жана ишкерлер менен да жолугушту. Тактап айтканда, Лейлек районунун Кулунду айыл өкмөтүнө караштуу Интернациональный айылында жайгашкан «Достук» базары куралдуу кагылышуу учурунда талкаланган. 2023-жылга чейин бул соода комплекси толугу менен калыбына келтирилип, иштеп жатат.

«Достук» базарында соода кылган ишкерлер Махбуба Эгембердиева, Закир Бахавидтинов жана башка ишкерлер 300 миң сомдон акчалай компенсация алуу, ошондой эле 1 млн сомдон 5 млн сомго чейин пайызсыз ссуда алууга көмөктөшүү тууралуу айтып беришти.

Лейлек районунун Арка айылындагы кыргыз-тажик чек арасында жайгашкан ишкер Кыдырбек Айбалаевдин соода комплекси да толугу менен талкаланган. Бирок ишкер токтогон жок. Бир жылдын ичинде мамлекеттен 5 млн сом үстөксүз ссуда жана 300 миң сом ссуда алып, соода комплексин толук калыбына келтирип, алтургай бизнесин кеңейткен.

Бүгүнкү күндө Баткен облусунун Баткен жана Лейлек райондорундагы ишкерлерге өз убагында көрсөтүлгөн жардамдар өз жемишин берип жатат. Кулунду айыл өкмөтүнө караштуу Интернациональный айылындагы “Достук” базары толугу менен калыбына келтирилип, ишкерлер соода кылууда. Ушул эле райондун Жаңы-Арык айыл өкмөтүнө караштуу Арка айылында ишкерлер тарабынан имараттарды оңдоо иштери аяктады. Баткен шаарында жабыркаган ишкерлердин шарты калыбына келтирилди. Баткен районундагы социалдык объектилерди калыбына келтирүүгө мамлекет тарабынан бөлүнгөн каражаттар өз максатына жумшалууда.

Мамлекеттик комиссиянын чечими менен жалпысынан 208 ишкер бекитилди. Чечимге ылайык, бардык ишкерлерге 300 миң сом өлчөмүндө материалдык жардам көрсөтүлүп, компенсация катары 63 млн сом берилди.

Мындан тышкары окуңуз

Айыл чарба насыяларынын пайыздык чени 3%га чейин төмөндөйт

Президент Садыр Жапаров фермерлер үчүн айыл чарба насыяларынын пайыздык ченин 6%дан 3%га чейин төмөндөтүүнү тапшырды. Бул тапшырма Араван районунун тургундары менен жолугушууда айтылды. Жолугушуунун катышуучуларынын бири өзүн райборбордон (Аравандан) 200 км алыстыкта жайгашкан Кичи-Алай айылынын тургуну катары тааныштырып, айыл чарбасына жеңилдетилген насыяларды берүү мүмкүнчүлүгүн карап чыгууну суранды. Анын

Менчиктештирүү жөнүндө жаңы мыйзам долбоору парламентке киргизилди

Жогорку Кеңешке мамлекеттик менчикти менчиктештирүүнү масштабдуу реформалоо тууралуу мыйзам долбоору киргизилди. Документ мамлекеттик активдерди сатуу механизмдерин түп-тамырынан өзгөртүүнү жана инвесторлор үчүн жол-жоболорду жөнөкөйлөтүүнү сунуштайт. Демилгечи — Министрлер кабинети. Долбоорго ылайык, мыйзамдардан буга чейин колдонулуп келген бир катар менчиктештирүү ыкмалары алынып салынат. Атап айтканда, конкурс аркылуу сатуу, ошондой эле мүлктү ижарага же

Бишкекте жылуулук түйүндөрүн оңдоо иштери башталат: кайсы көчөлөр жабылат?

Борбор калаада 15-апрелден тарта Шабдан Баатыр көчөсү жана Фрунзе көчөсү тилкелеринде жылуулук тармактарын реконструкциялоо башталарын муниципалдык "Бишкекжылуулук тармактары" ишканасы билдирди. Анын маалыматына ылайык, Шабдан Баатыр көчөсүнүн түштүк тарабы — Курманжан Датка көчөсүнөн Достоевский көчөсүнө чейин, ошондой эле Фрунзе көчөсүнүн Тыныстанов көчөсүнөн Тоголок Молдо көчөсүнө чейинки бөлүгү жабылат. Шабдан Баатыр

Жеке мектеп, бала бакча куруучуларга 2 гектарга чейин жер бекер берилет – Садыр Жапаров

Мамлекет жеке менчик бала бакчаларды жана мектептерди куруу үчүн жер бөлүп берүүгө даяр экенин президент Садыр Жапаров 11-апрелде Ош облусунун Араван району тургундары менен жолугушууда билдирди. Анын айтымында, кимде-ким бала бакча же мектеп курууну кааласа, жер акысыз берилет: район борборлорунда, чакан шаарларда, облустук борборлордо, ошондой эле Бишкек жана Ош шаарларында.