Бизнес

Яндекстен Python акысыз курсу

Чынгыз Керимбеков

07 февр. 2024 11:19

Яндекс 6-февралдан тартып Кыргыз Республикасынын Билим берүү жана илим министрлигинин колдоосунда «Python тилинде программалоо» онлайн-курсуна акысыз кабыл алуу баштайт. Ал информатика мугалимдеринин квалификациясын, техникалык жогорку окуу жайлардын студенттеринин жана программисттердин көндүмдөрүн жогорулатат.

«Квалификацияны жогорулатуу курстарын онлайн-форматка өткөрүү билим берүүнү санариптештирүүдөгү артыкчылыктардын бири. Бул программада мугалимдер курс тандай алат жана аралыктан окуйт», - дейт КР Билим берүү жана илим министринин орун басары Лира Самыкбаева.

Өтүнмөлөр 31-мартка чейин кабыл алынат. Катталуу үчүн катышуучунун анкетасын толтуруу жана почтадан окутууга шилтеме бар катты күтүү керек.

«Биз былтыртан тартып Бишкектеги биздин «Программалоо мектебинде» Python тилинде программалоого жогорку класстардын окуучуларын окута баштадык жана мындан ары да экспертиза менен бөлүшүүгө даярбыз. Жаӊы курс мугалимдерге билим берүүгө кошо турган актуалдуу инструменттерди алууга мүмкүндүк берет. Студенттер жана программисттер жаӊы шыктарды өздөштүрөт жана маселелерди чечүүдө өздөрүн сынайт», - дейт Кыргызстандагы Яндекс Go компаниясынын жетекчиси Тилек Сулайманов.

Курс сабактар, маселелер жана тесттер, ошондой эле жыйынтыктоочу тест менен бирге 5 модулдан турат. Катышуучулар тилдин базалык түзүлүшүн, коллекцияларды, сүрөттөрдү документтерди жана бет ачарларды иштетүү үчүн китепканаларды жана объектиге багытталган программалоонун негизги концепцияларын үйрөнүшөт.

Окутуу 1-1,5 айга жакын созулат – аны 31-майга чейин бүтүрүү керек. Курстан жана жыйынтык тесттен ийгиликтүү өткөн катышуучулар Яндекстен сертификат алышат, аларга акысыз методикалык материалдар дагы кошумча жеткиликтүү болот.

Мындан тышкары окуңуз

"Манас" эл аралык аэропортунда 5 кабаттуу унаа токтотуучу жай курулуп жатат

"Манас" эл аралык аэропортунда көп деңгээлдүү унаа токтотуучу жайдын курулушу уланып жатканын "Кыргызстан аэропорттору" ААК башкармалыгынын башчысы Манасбек Самидинов социалдык тармактагы баракчасына жазды. Анын айтымында, бул аэропортту реконструкциялоо боюнча жалпы стратегиянын маанилүү бөлүгү болуп саналат. "Биз жүргүнчүлөр үчүн заманбап жана ыңгайлуу инфраструктура түзүп жатабыз. Унаа

Бишкекте 8 автобус каттамынын кыймыл - чиймеси убактылуу өзгөртүлдү

Бишкек шаарында Дэн Сяопин проспектисинин түштүк тарабы оңдоо иштерине байланыштуу жабылгандыктан, 8 автобус каттамынын кыймыл чиймеси убактылуу өзгөртүлдү. Бул тууралуу муниципалитеттен билдиришти. Тактап айтканда, №17, №32, №42, №145, №212, №215, №254 жана №14т каттамдары убактылуу Профсоюз көчөсү аркылуу жүрүшөт. Эске салсак, Дэн Сяопин проспектисинин Интергельпо көчөсү менен Кайназарова көчөсүнүн ортосундагы

Бишкекте бийик имараттарды курууда жаңы технологиялар колдонулууда

Жер титирөөгө туруктуу курулуш жана инженердик долбоорлоо мамлекеттик институтунун директору Канат Канболотов адистер менен бирге Бишкектеги көп кабаттуу курулуш объектилеринде колдонулуп жаткан технологиялар менен таанышты. Бул тууралуу Курулуш министрлигинен билдиришти. Алар курулуштун жүрүшүн, инженердик чечимдерди жана техникалык коопсуздук чараларын карашты. Бийик имараттарда вертикалдык көтөрүүчү элементтер үчүн болот-темирбетон (курамдуу) конструкцияларын колдонуу

Электр энергиясынын жоготуулары 5-10%га төмөндөдү

Жогорку Кеңештин финансы, бюджет, ишкердик жана атаандаштыкты өнүктүрүү боюнча комитетинин жыйынында депутат Дастан Бекешев Кыргызстандын Борбор Азиянын энергошакекчесине катышуусу тууралуу маселени көтөрдү. Ал буга чейин өлкөнүн энергошакекчеден чыгуу мүмкүнчүлүгү талкууланганын эске салды. Энергетика министринин орун басары Насипбек Керимов маалымдагандай, энергошакекче ишин улантууда жана учурда андан чыгуу маселеси карала элек. "