Бишкек шаарында суунун баасы кымбаттады
Бишкекте муздак суунун баасы көтөрүлдү. Бул чечимди Бишкек шаардык кеңеши кабыл алды.
Маалыматка ылайык, суунун бир куб метринин баасы 10,45 сомдон 15,73 сомго чейин, ал эми канализация үчүн 3,45 сомдон 6,80 сомго чейин көтөрүлдү.
Бишкек шаардык кеңешине суу менен камсыздоо тарифтерин көтөрүү сунушун борбор калаанын мэриясы сунуштаган.
Муниципалитет бул жогорулоону шаардын суу менен камсыздоо тармактарынын начарлашы жана "Бишкекводоканал" ишканасынын чыгымдардын өсүшү жана суроо-талаптын жогорулашынан улам каржылык кыйынчылыктарга туш болуп жатканы менен түшүндүрдү.
