Бизнес

Баткенде миграция маселеси тууралуу кеңешме өтүүдө

Сапар Акунбеков

11 мар. 2024 16:18

Баткенде миграциялык процесстерди талкуулаган кеңешме өттү. Бул тууралуу облустагы президенттин өкүлчүлүгү билдирди.

Такталгандай, иш-чарага президенттин Баткен облусундагы ыйгарым укуктуу өкүлүнүн орун басары Жаныбек Исаков, эмгек, социалдык камсыздоо жана миграция министринин биринчи орун басары Нурдөөлөт Базарбаев, экономика жана коммерция министринин орун басары Чоро Сейитов, миграция боюнча эл аралык уюмдун КРдагы офисинин башчысы Бермет Молдобаева жана эл аралык эксперттер, жергиликтүү өз алдынча башкаруу органдарынын өкүлдөрү, ишкерлер катышууда.

Уюштурулган иш-чара 2021-2030-жылдарга карата иштелип чыккан Кыргыз Республикасынын миграциялык саясат Концепциясынын жана 2025-жылга чейин Концепцияны аткаруу боюнча иш-чараларынын планынын алкагында болуп жатат.

Кеңешмеде миграция өлкөнүн аймактарындагы социалдык-экономикалык өнүгүүсүнө таасир этүүчү маанилүү фактор экени белгиленип, миграциялык саясаттын негизги багыттары- алардын укуктарын жана мыйзамдуу кызыкчылыктарын коргоо экени айтылды.

Иш - чарада эксперттер, аймактарда бизнести өнүктүрүү максатында чет мамлекеттен кайтып келген жарандарды жана алардын үй-бүлө мүчөлөрүн жеке ишкердик боюнча ишмердүүлүк көндүмдөрүнө жана финансылык сабаттуулукка окутуу мүмкүнчүлүктөрү жөнүндө маалымат менен бөлүшүштү.

Ошондой эле Кыргызстандын инвестициялык мүмкүнчүлүктөрү жөнүндө маалыматты жайылтуунун маанилүү максаттары катары чет мамлекеттеги диаспораларды, уюмдарды тартуу маселелери талкууланды.

Мындан тышкары окуңуз

ӨКМ: 10-12-май күндөрү сел жүрүү коркунучу бар

10-майдан 12-майга чейин республиканын тоолуу жана тоо этектериндеги аймактарында туруксуз аба ырайы күтүлөт. Бул тууралуу Өзгөчө кырдаалдар министрлиги шашылыш билдирүү таратты. Маалыматка ылайык, нөшөрлүү жаан-чачынга байланыштуу дарыяларда суунун деңгээли көтөрүлүп, сел жүрүшү мүмкүн. Буга байланыштуу ӨКМ жарандарды майрам жана эс алуу күндөрү коопсуздук эрежелерин сактоого чакырат. Айрыкча тоолуу жана тоо

Бишкекте Жеңиштин 81 жылдыгына арналган митинг-реквием өтүүдө

Бүгүн Бишкек шаарындагы Жеңиш аянтында Улуу Ата Мекендик согуштагы Жеңиштин 81 жылдыгына арналган митинг-реквием өтүүдө. Иш-чарага президент Садыр Жапаров катышып, Өчпөс отко гүлчамбар койду. Ошондой эле мамлекет башчысы Улуу Ата Мекендик согушта курман болгондорду эскерип, алардын элесине таазим кылды. Өлкө башчы согуштун жана ооруктун ардагерлерин, ошондой эле жалпы кыргызстандыктарды 9-Май

Ошто №4 мектеп-гимназиясына кошумча окуу имараты курулат

Күн мурун Ош шаарындагы №4 С.М. Киров атындагы мектеп-гимназиясы үчүн 200 орундуу кошумча окуу имаратынын курулушуна капсула салуу аземи болуп өттү. Мэриядан билдиришкендей, иш-чарага Ош шаарынын мэри Жанарбек Акаев, шаардык кеңештин депутаттары, билим берүү тармагынын өкүлдөрү, мугалимдер жана ата-энелер катышты. Жаңы окуу корпусу окуучулар үчүн заманбап шарттарды түзүүгө жана

Ысык-Көлдөн 1700 метр балык уулоочу тор чыгарылды

Бүгүн суучулдар Түп булуңунан 1700 метр узундуктагы балык уулоочу эски торлорду чыгарышты. Бул тууралуу Өзгөчө кырдаалдар министрлигинен билдиришти. Маалыматка ылайык, суучулдар ӨКМдин "Мөлтүр" кемесине түнөп, көлдү тазалоо иштерин үзгүлтүксүз жүргүзүүдө. Белгиленгендей, Ысык-Көл акыркы 4 жылдан бери таштанды жана балык уулоочу торлордон тазаланууда.