Активдүүлүк үчүн бир миллион: Бишкекте Компаньон Банктын акциясынын жеӊүүчүлөрүн куттукташты
Кыргызстанда «Компаньондон 2 миллион» акциясынын жыйынтыгын чыгарышты. Эки кыргызстандык бир миллион сомдон алышты! Ал эми 50 миӊ сомго чейинки акчалай сыйлыктар акциянын үчүнчү жыйынтыктоочу этабынын жеӊүүчүлөрүнө тапшырылды.
«Компаньондон 2 миллион» акциясынын финалисттери жеӊишин майрамдап жатат. Эки миллиондун ээлеринин, ошондой эле, жыйынтыктоочу үчүнчү этаптын жеӊүүчүлөрүнүн ысымдары акчалай сыйлыктардын сертификаттары тапшырылган Бишкектеги салтанаттуу аземде жарыяланды.
Компаньон Банктын акциясы 2023-жылдын 1-декабрында башталган. Анын шарттары боюнча, катышуучулар өздөрүнүн рефералдык шилтемеси аркылуу «Компаньон» мобилдик тиркемесине эӊ көп жаӊы колдонуучуларды чакырып, анын сервистерин активдүү пайдалануусу керек болчу. Анда ай сайын аралык этаптардын жеӊүүчүлөрү үчүн эки номинацияда акчалай сыйлыктар жана финалисттер үчүн алты нөлдүү эки супер байге коюлган.
Биринчи шарттарды Чынгызбек уулу Илияс эӊ мыкты аткарды, акциянын башталышынан тартып, анын рефералдык шилтемеси боюнча 6 миӊдей адам тиркемеге чакырылды жана каттоодон өттү.
«Утуш жөнүндө укканда абдан кубандым. Кубанычтуу жаӊылыкты дароо жубайыма айттым. Биз ийгиликке ишендик, анткени эки ай катары менен лидер болгонбуз жана аралык этаптарда ири акчалай байгелерди утканбыз, - деп эмоциясын бөлүштү. – Байгенин бир бөлүгүн жакындарым менен бөлүшөм, башкасын – кайрымдуулукка жумшайм. Ошондой эле, өзүбүздүн окуу борбордун алдыӊкы кызматкерлерине акчалай сыйлык тартуулоону пландап жатабыз. Калган акчаны сүйүктүүм менен саякатка жумшайбыз».
Экинчи финалист, Мээрман Жапаров, болгону бир ай мурда «Компаньон» мобилдик тиркемесинин активдүү колдонуучусу болгон. Бишкектик жигит туризм жаатында иштейт, жубайы менен эки баланы тарбиялап жатат.
«Компаньон» тиркемесин ушул жылдын февраль айынан бери колдонуп жатам. Ал колдонууга абдан ыӊгайлуу, түшүнүктүү жана жөнөкөй. Мисалы банк эсебин жана депозитти ачуу, акча которуу жана башка финансылык операцияларды бир басуу менен жүргүзө аласыӊ. Мен сатып алууларды, комм.кызматтарды, патентти, уюлдук байланышты, Интернетти мобилдик тиркеме аркылуу үзгүлтүксүз төлөй баштадым жана өзүмдү күтүүсүздөн акциянын экинчи этабынын жеӊүүчүлөрүнүн ондугунан таптым. Андан соӊ– 1 миллион сом баш байгени утуу үчүн тиркемени дагы активдүү колдоно баштадым. Ошентип жеӊүүчү болдум!», - деп Мээрман Жапаров айтып берди.
Февралдын аягына чейин узартылган акцияга катышкандардан эч ким байге албай калган жок. Жаӊы колдонуучуларга дагы мобилдик тиркемени көчүрүп алууда дароо 50 сом которулду. Ушул эле сумма рефералдык шилтеме менен чакырылган, тиркемени көчүрүп алган жана идентификациядан өткөн ар бир колдонуучуга келип түштү. Ал эми 5 000 сомдон 50 000 сомго чейинки акчалай сыйлыктар акциянын аралык этаптарынын эӊ активдүү катышуучуларына тапшырылды – ай сайын эки номинациянын ар биринен бүткүл Кыргызстан боюнча 10 жеӊүүчүгө чейин аныктап жатышты.
«Бизге «Компаньон» тиркемесинин колдонуучуларынын ыӊгайлуу жана сапаттуу кызмат алышы маанилүү. Тиркемеде беш жүздөн ашык банк жана башка финансылык кызматтар, эл аралык жана ички которуулар, депозит ачуу, кредит алуу, мамлекеттик кызматтар жана башкалар жеткиликтүү. Ушул кызматтардын бардыгын Банктын кеӊселерине барбай эле онлайн колдонсо болот, - деп Компаньон Банктын Борбордук филиалынын директору Марат Тайжанов белгиледи. – Биз «Компаньондон 2 миллион» акциясынын бардык жеӊүүчүлөрүн куттуктайбыз. Биздин жаӊылыктарга көз салгыла – алдыда дагы көптөгөн кызыктуу окуялар бар!».
Банктын башка актуалдуу жаӊылыктары жөнүндө www.kompanion.kg. расмий сайтынан таанышууга болот.
