Ишкерлерге боёк материалдары боюнча жаңы коопсуздук эрежелер сунушталды
Евразия экономикалык комиссиясынын Коллегиясы "Лак-сырдоо материалдарынын коопсуздугу жөнүндө" техникалык регламенттин долбоорун кароого алды. Бул тууралуу Экономика жана коммерция министрлигинен билдиришти.
Бул документ лак-сырдоо продукциясына карата коопсуздук талаптарын, анын маркалоо эрежелерин жана Евразия экономикалык биримдигинин аймагында жүгүртүүгө чыгаруу тартибин аныктайт.
Жаңы жоболор учурдагы улуттук мыйзамдарга салыштырмалуу кыйла катуу талаптарды камтыйт.
Ошондуктан лак-сырдоо продукциясын өндүрүү жана жүгүртүү менен алектенген ишкерлерге жаңы талаптарды аткаруу мүмкүнчүлүгүн алдын ала баалап, зарыл болсо өндүрүш процессин жана документтерди жаңы шарттарга ылайыкташтыруу сунушталууда.
