Уоррен Баффет кайрымдуулукка 1,3 млрд доллар бөлөрүн билдирди

95 жаштагы белгилүү миллиардер Уоррен Баффет акционерлерге жазган катында 2025-жылдын аягында Berkshire Hathaway компаниясынын башкы директорлук кызматын таштап, кайрымдуулукка 1,3 млрд доллар бөлөрүн жазган. 

Катта миллиардер ар жылкы салттуу кайрылууларды жазганды жана компаниянын отурумдарында сүйлөгөндү токтоторун билдирген. Ошону менен бирге эле ал өзүн жакшы сезерин, бирок активдерди балдарына берүүнү жана кайрымдуулук тартиби механизмин байлыгы менен бекемдөөнү тездетерин баса белгилеген.   

Уоррен Баффет дагы бир жолу анын мураскери Грег Абель болорун билдирип, акционерлер ага жана анын өнөктөшү Чарли Мангерге өзүнө ишенгендей ишениши керектигин билдирген. 

Миллиардер жазган документке ылайык, В классындагы 1,5 млн акция Сьюзан Томпсон Баффет фондуна берилет. А 400 миң акциядан бизнесмендин ар бир баласынын фондуна бөлүнөт. 

Эске салсак, Berkshire Hathaway конгломераты Geico, Duracell жана Dairy Queen компанияларын кошкондо ондогон компанияларга ээлик кылат. Портфелдин негизги 283 млрд долларын Apple, American Express, Bank of America, Coca-Cola жана Chevron акциялары түзөт. 

95 жаштагы Уоррен Баффеттин учурдагы байлыгы 150 миллиард долларды түзөт.