Илон Маск тарыхта 600 млрд долларлык байлыгы бар алгачкы адам болду
SpaceX компаниясынын негиздөөчүсү, америкалык миллиардер Илон Маск тарыхта 600 млрд долларлык байлыгы бар тарыхта биринчи адам болгонун Forbes журналы билдиргенин "Известия" басылмасы жазды.
Маалыматта Масктан башка тарыхта буга чейин башка эч кимдин 500 млрд долларлык байлыгы болгон эместиги баса белгиленет.
Басылманын маалыматы боюнча, SpaceXтин рыноктук баасы августта 400 млрд долларды түзгөн, декабрь айында 800 млрд долларга чейин көтөрүлдү. Компания 2026-жылы акцияларды сата баштайт жана анын баасы болжол менен 1,5 трлн долларга жетет деген божомол бар.
9-декабрда SpaceX өзүнүн X социалдык медиа платформасында (мурдагы Twitter) Falcon 9 ракетасы АКШнын электрондук чалгындоо спутниктеринин тобу менен орбитага чыкканын жарыялаган. Спутниктердин максаты жана саны тууралуу маалыматтар жашыруун экени айтылган.
