Бишкекте Борбор Азия менен АКШнын бизнес лидерлери жолугат

4-5-февралда Бишкек шаарында “Бизнес (B)5+1” экинчи бизнес форуму өтөт. Иш-чара Кыргыз Республикасынын Министрлер Кабинети менен биргеликте уюштурулуп, Борбор Азия өлкөлөрү жана Америка Кошмо Штаттарынын бизнес өкүлдөрү менен мамлекеттик органдарынын ортосундагы диалогду өнүктүрүүгө багытталат.

Форумдун негизги максаты — аймактык экономикалык кызматташтыкты чыңдоо жана мамлекеттик менен жеке секторлордун ортосундагы кызматташууну кеңейтүү.

Иш-чарада айыл чарба, банк жана финансы, маанилүү минералдык ресурстар, электрондук коммерция жана маалыматтык технологиялар, транспорт жана логистика, туризм тармактары приоритеттүү багыттар катары каралат.

Белгилей кетсек, “B5+1” биринчи бизнес форуму 2024-жылдын 14–15-мартында Алматы шаарында өтүп, 250дөн ашуун бизнес өкүлдөрүн жана кызыкдар тараптарды бириктирген.