Бизнес

Кыргыз ишкерлери үчүн Wildberries аркылуу товар ташуу жеңилдетилди

Ишкер Media

03 фев 2026 14:03

ЕАЭБ Кеңешинин жыйынынын жыйынтыктары тууралуу "Кабар" агенттигинде өткөн маалымат жыйында Экономика жана коммерция министрлигинин ЕАЭБди координациялоо башкармалыгынын башчысы Элимбек Каныбек уулу маалымат берди.

Анын айтымында, 30-январда Москва шаарында өткөн Евразия экономикалык комиссиясынын Кеңешинин жыйынында электрондук соода алкагында, айрыкча Wildberries платформасы аркылуу кыргызстандык сатуучулардын товарларын ташууда жаралып келген көйгөйлөр каралган.

Жыйынтыгында кыргыз сатуучулардын товарларын ЕАЭБге мүчө башка өлкөлөрдөгү электрондук соода аянтчаларынын кампаларына менчик укугун өткөрбөстөн ташып өтүү модели макулдашылды. Бул модель товар физикалык жакка сатылганга чейин колдонулат жана Россия тараптан колдоого алынды.

Ошондой эле товарларды жылдырууда CMR жана товардык-транспорттук накладной (ТТН) сыяктуу эки негизги документти тариздөө каралды. Бул тартипти түшүндүрүү үчүн жакын арада Экономика жана коммерция министрлигинин аянтчасында Wildberries өкүлдөрүнүн катышуусунда маалыматтык семинар өткөрүлөрү белгиленди.

ЕЭК Кеңеши мындан ары да өз ара электрондук соодадагы көйгөйлөрдү ыкчам аныктоо жана мониторинг жүргүзүү иштерин улантууну тапшырды.

Мындан тышкары окуңуз

Токтогул районунда 1,7 млрд сомдон ашык каражатка жолдор курулуп, оңдолууда

Токтогул районунда республикалык бюджеттин эсебинен жалпы наркы 1 млрд 764,8 млн сомду түзгөн төрт автомобиль жолун куруу жана оңдоо долбоору ишке ашырылууда. Бул тууралуу президент Садыр Жапаровдун 24-октябрда Жалал-Абад облусуна болгон иш сапарында маалымдалды. Маалыматка ылайык, эң ири долбоор - узундугу 53 чакырымды түзгөн Токтогул - Беш-Таш автомобиль

Бишкекте 334 түп дарак отургузулду

24-октябрында борбор калаанын мэри Айбек Жунушалиевдин катышуусунда Саманчин көчөсүндө күзгү бак отургузуу акциясы өттү. 50 түп эмен тигилди. Бул туууралуу мэриядан билдиришти. Маалым болгондой, дагы 50 түп эмен 12-кичи райондо отургузулду. Көчөттөрдү Mastercard, "Элдик Банк" жана Beeline Кыргызстан камсыздады. Жалпысынан күзгү өнөктүктө борбордо 334 түп эмен,

Чаткал районунун бюджети беш жылда 2,5 эсеге өстү

Чаткал районунун бюджети 2021-жылга салыштырмалуу 2,5 эсеге көбөйдү. Бул тууралуу президент Садыр Жапаров 25-октябрда Жалал-Абад облусуна болгон иш сапарынын алкагында район тургундары менен жолугушууда билдирди. Мамлекет башчысынын айтымында, 2021-жылы райондун бюджети 297 млн сомду түзсө, 2025-жылдын жыйынтыгында 746 млн сомго жеткен. Мындан тышкары, 2026-

Транспорт министрлиги КМТУ жана №97 лицей менен меморандум түздү

23-октябрда Транспорт жана коммуникациялар министрлиги, И. Раззаков атындагы КМТУ жана Темир жолчулардын №97 кесиптик лицейи кызматташуу боюнча меморандумга кол коюшту. Бул тууралуу министрликтин басма сөз кызматы билдирди. Маалымдалгандай, документ транспорт тармагына квалификациялуу кадр даярдоону, практикалык багытты күчөтүүнү көздөйт. Кол койгондор: министрдин орун басары Кубанычбек Турганбаев, КМТУ ректору Мирлан Чыныбаев