Салык кызматынын өкүлдөрү бизнес-жолугушууга катышты
Салык кызматынын өкүлдөрү Америкалык соода палатасы уюштурган бизнес-жолугушууга катышып, чогулгандарга салык мыйзамдары боюнча маалымат беришти. Бул тууралуу аталган мекеменин басма сөз кызматынан кабарлашты.
Иш-чаранын алкагында катышуучуларга Мамлекеттик салык кызматынын төрагасынын орун басары Кубанычбек Ысабеков салык мыйзамдарындагы акыркы негизги өзгөрүүлөр тууралуу жалпы маалыматты берилип, аларды колдонуудагы практикалык жагдайларды түшүндүрдү.
Жолугушуунун жүрүшүндө бизнес коомчулугунун өкүлдөрү менен ачык диалог уюштурулду. Катышуучулар салык салуу жана салык мыйзамдарын колдонуу практикасы боюнча кызыктырган суроолорун берип, тиешелүү жоопторду алышты.
Мындай жолугушууларга Салык кызматынын катышуусу бизнес коомчулук менен кызматташууну чыңдоого, салык системасынын ачык-айкындуулугун жогорулатууга жана өлкөдөгү ишкердик чөйрөнү жакшыртууга багытталган.
