Таласта “Talas Connect” аталышындагы бизнес форум өттү
Таласта 500 катышуучуну чогулткан “Talas Connect” бизнес форуму өттү. Бул тууралуу Президенттин Талас облусундагы ыйгарым укуктуу өкүлчүлүгүнөн билдиршти.
Маалыматка таянсак, форум Президентинин Талас облусундагы ыйгарым укуктуу өкүлчүлүгү, Талас бизнес ассоциациясы тарабынан уюштурулуп, башкы демөөрчү катары “Альянс Алтын” компаниясы колдоо көрсөттү.
Форумга облус аймагынан жана өлкөнүн башка аймактарынан келген 500гө жакын ишкер, бизнес-тренерлер, министрликтердин өкүлдөрү, банк секторунун адистери жана жаш стартап ээлери катышып, ишкердикти өнүктүрүүдөгү актуалдуу маселелерди кеңири талкуулашты.
Иш-чаранын ачылышында Талас облусундагы ыйгарым укуктуу өкүл Эрмат Жумаев сөз сүйлөп, аймакта туризм, кайра иштетүү өнөр жайы жана өндүрүш секторунда жаңы мүмкүнчүлүктөр бар экенин белгиледи. Анын айтымында, жергиликтүү бийлик инвесторлор менен ишкерлерге ар тараптуу колдоо көрсөтүүгө даяр.
