Кочкор районунда ишкерлердин көйгөйлөрү талкууланды
Нарын облусунун прокуратурасы тарабынан Кочкор районунун ишкерлери менен жолугушуу өткөрүлдү. Анда ишкерлердин жана инвесторлордун укуктарын коргоо, ошондой эле ишкердик субъекттеринин ишине мыйзамсыз кийлигишүүлөргө жол бербөө маселелери талкууланды.
Башкы прокуратуранын маалыматына ылайык, жолугушуунун жүрүшүндө катышуучуларга Кыргыз Республикасынын Президентинин ишкердик субъекттерине текшерүүлөрдү жүргүзүүгө убактылуу мораторий киргизүү тууралуу Жарлыгынын талаптары боюнча кеңири түшүндүрмөлөр берилди.
Мындан тышкары, ишкерлер тарабынан көтөрүлгөн көйгөйлүү маселелерди чечүү жолдору каралып, алардын сунуш-пикирлери угулду.
Прокуратура өкүлдөрү ишкерлердин мыйзамдуу кызыкчылыктарын коргоо жана бизнес жүргүзүүгө ыңгайлуу шарттарды түзүү багытындагы иштер туруктуу көзөмөлдө экенин белгилешти.
