Ак ниеттүү ишкерлердин реестрине 3 компания киргизилди
2026-жылдын 30-июнунда КРнын Экономика жана коммерция министрлигинде КРнын ишкердик субъекттерин Ак ниеттүү ишкерлердин реестрине киргизүү үчүн тандоо боюнча ведомстволор аралык комиссиянын кезектеги жыйыны болуп өттү.
Министрликтин маалыматына ылайык, жыйындын жүрүшүндө ведомстволор аралык комиссия ишкердик субъекттеринин Ак ниеттүү ишкерлердин реестрине киргизүү боюнча 26 арызды кароого алды. Анын жыйынтыгы боюнча Реестрге 3 компанияны киргизүү жөнүндө чечим кабыл алынды.
КРнын Ак ниеттүү ишкерлердин реестри ата мекендик бизнеске болгон ишенимди жогорулатуу, социалдык жоопкерчиликтүү ишкерликти колдоо, инвестициялык климатты жакшыртуу, ошондой эле мамлекет менен бизнес-коомчулуктун ортосундагы өнөктөштүк мамилелерди бекемдөө максатында түзүлгөн.
Реестрге киргизүү ишкердик субъекттеринин жогорку ишкердик беделин, ишенимдүүлүгүн жана ак ниеттүүлүгүн ырастайт, ошондой эле мамлекеттик органдар, бизнес-өнөктөштөр жана потенциалдуу инвесторлор менен өз ара аракеттенүү мүмкүнчүлүктөрүн кеңейтүүгө өбөлгө түзөт.
Реестрге киргизилген компаниялардын тизмеси КРнын Экономика жана Коммерция министрлигинин жана КРнын Соода-өнөр жай палатасынын сайттарында жайгаштырылат.
