Бишкектеги жүн иштетүүчү ишкана жылына 400 тоннага жакын чийки зат сатып алат
Министрлер Кабинетинин төрагасынын орун басары Эрлист Акунбеков Бишкектеги "Wool KG" жүн иштетүүчү ишканасынын ишмердүүлүгү менен таанышты. Бул тууралуу Айыл чарба министрлигинин басма сөз кызматы билдирди.
Ишкана жергиликтүү жүндү кабыл алып, жууп, кайра иштетүү жана тарак жүнүн өндүрүү менен алектенет. Учурда компания Ысык-Көл, Нарын, Талас жана Чүй облустарындагы фермерлерден жылына 400 тоннага жакын жүн сатып алат.
Бүгүнкү күндө өндүрүштө 71 адам иштейт. Ишкананы кеңейтүү менен дагы 50дөн ашык жаңы жумуш ордун түзүү мерчемделген.
Министр Эрлист Акунбеков жүндү өлкө ичинде кайра иштетүүнүн маанилүүлүгүн белгилеп, мындай долбоорлор ата мекендик чийки затты пайдаланууну көбөйтүп, жаңы жумуш орундарын түзүүгө жана кайра иштетүү өнөр жайын өнүктүрүүгө өбөлгө түзөрүн айтты.
с
