“Мадина” базары 1-августта жабылбай турган болду
Бишкек шаарынын мэри Айбек Жунушалиев “Мадина” базары боюнча пикирин билдирди.
Жунушалиев “Мадина” базары да, жаңы базар да жеке менчик болуп саналарын, ошол эле учурда мэрия менчик ээлеринин мыйзамдуу укуктарын коргоо боюнча зарыл чараларды көрөрүн билдирди.
Буга чейин мэр ишкерлер менен бирге жаңы базарга барган жана анда бир катар кемчиликтер аныкталган.
Ошондой эле ишкерлердин демилгеси менен макулдашуу комиссиясы түзүлгөн. Бирок комиссия күтүлгөн натыйжаны бербегендиктен, ишин аяктаган.
Соода орундарынын ижара шарттары азыркыдай сакталат, бирок акысын төмөндөтүү мүмкүнчүлүгүн карап чыгуу тапшырылды. “Мадина” базары 1-августтан тарта жабылбай турган болду.
Ишкерлерге жаңы жерге жайгашып алуу үчүн этап-этабы менен көчүүгө кошумча убакыт жана үч айлык жеңилдетилген мезгил берилет.
