Айыл чарба долбоорлору: компанияларга тендерлер боюнча маалымат берилди
Суу ресурстары, айыл чарба жана кайра иштетүү өнөр жай министрлигинин алдындагы Айыл чарба долбоорлорун ишке ашыруу бөлүмү 30га жакын компаниялар менен жолугушуу өткөрдү. Бул тууралуу аталган кызматтан билдиришти.
Маалыматка ылайык, катышуучуларга долбоорлор, тендерлерге катышуу тартиби, өтүнмөлөрдү даярдоо жана берүү, зарыл документтердин тизмеси жана эл аралык каржы институттарынын талаптары боюнча түшүндүрмөлөр берилди.
Учурда Айыл чарба долбоорлорун ишке ашыруу бөлүмү Эл аралык айыл чарбасын өнүктүрүү фонду, Азия өнүктүрүү банкы жана Дүйнөлүк банк каржылаган бир катар долбоорлорду ишке ашырууда.
Кызыкдар компаниялар үчүн алдыдагы сатып алуулар жана тендерлер тууралуу маалыматтар аталган кызматтын расмий маалыматтык даректеринде жарыяланып турары айтылды.
