Бакай-Атада ишкер кампасындагы дан куурайды Орусияга экспорттой баштады
Талас өрөөнүнүн Бакай-Ата районунда жеке ишкер Эмилбек Мамыралиев жеңилдетилген насыянын эсебинен мөмө-жемиш сактоочу кампасын жаңылап, заманбап муздаткычтарды орнотту.
Айыл чарба министрлигинин эл аралык долбоорлорун ишке ашыруу кызматы билдиргендей, учурда кампа толук иштеп, айыл чарба азыктарын сапаттуу сактоого шарт түзүлдү. Ишкер азыр кампасында дан куурай сактап, четинен Орусияга сата баштады.
Эмилбек Мамыралиевдин айтымында, жеңилдетилген насыянын өз убагында берилиши кампаны кыска мөөнөттө жаңылап, түшүм жыйноо маалына даяр болууга мүмкүнчүлүк берген.
Белгиленгендей, ал кийин башка айыл чарба азыктарын да кабыл алып, сактоону улантууну көздөп жатат.
