Өлкөнүн 2021-жылдагы бюджетинин кирешеси 187.4 млрд сомду түздү
КРнын 2021-жылдагы бюджетинин жыйынтыгы боюнча кирешелердин көлөмү 187.4 млрд сомду түздү. Бул тууралуу Экономика жана соода министри Данияр Амангелдиев бүгүн, 26-февралда өткөн маалымат жыйынында билдирди.
Анын айтымында, бул 2020-жылдын тийиштүү көрсөткүчтөрүнө салыштырмалуу кирешенин өсүшү 53 млрд сомго көп болгон жана өткөн жылдагы социалдык-экономикалык өнүгүүнүн негизги натыйжасы – ИДП өсүү темпи боюнча оң көрсөткүчкө жеткен.
Экономиканын тармактар боюнча көрсөткүчтөрү төмөнкүдөй болгон:
- Айыл чарбасында өндүрүштүн темпи 5%га төмөндөгөн
- Курулушта 4.8%га азайган
- Өнөр жайында өсүү темпи 7.2%га өскөн
- Кызмат көрсөтүү тармагында өсүш 6.5%ды түзгөн
«Айыл чарбасынын дүң продукциясынын көлөмүнүн азайышы негизинен өсүмдүк өстүрүүнүн 11.6%га азайышына байланыштуу болду», – деди Амангелдиев.
