ОКӨФ айыл чарба тармагындагы ишканаларга 44 млн доллар жеңилдетилген насыя берди
Орус-кыргыз өнүктүрүү фонду чакан жана орто бизнести колдоо программасынын алкагында айыл чарба тармагындагы 1850 долбоорду каржылоого 44 млн доллардан ашык каражат берген. Бул тууралуу бүгүн, 1-сентябрда фонддун маалымат кызматы билдирди.
Жогоруда аталган долбоорлордун бири – саан уйларды багуучу «Мис сүт» ЖЧКсы болгон. ОКӨФ малдарды кармоочу базаны модернизациялоого жана бодо мал сатып алууга берген жеңилдетилген кредит ишканага сүт өндүрүүнүн көлөмүн бир топ жогорулатууга мүмкүндүк берген.
Ошондой эле фонд тарабынан «Татымал Групп» ЖЧКсына өндүрүштүк жайларды оңдоого 6.3 млн сом бөлүнгөн. Компания таңгакталган татымалдарды жана башка да кулинарияда колдонулуучу татымалдарды чыгарат.
Мындан тышкары, ОКӨФ «Бай Элим Компани» ЖЧКсына жашылча-жемиш консерваларын жана томат пастасын өндүрүү үчүн жабдууларды сатып алууга 150 миң доллар бөлгөн.
