Sign in Subscribe
Экономика

«Асман» шаары, шамал жана күн электр станциялары – сауд инвесторлорго 7 долбоор сунушталды

Бактынур Абдиева

— 2 min read

Сауд Арабиялык инвесторлорго жети ири перспективдүү долбоорлор сунушталды. Кечээ, 29-ноябрда, Сауд Арабиясынан келген бизнесмендердин иш сапарынын алкагында аталган долбоорлор ишке ашырылып жаткан жерлерде иш-чаралар өткөрүлдү, деп билдирди Инвестиция агенттиги.

Алсак, иш сапардын жүрүшүндө Ысык-Көл облусунун Балыкчы шаарында Kyrgyz Wind System компаниясынын кубаттуулугу 100 МВт болгон шамал электр станциясын куруу боюнча өлкөнүн биринчи долбоору көрсөтүлдү.

Мындан тышкары, «Дордой-Балыкчы» ЖЧКсынын бир өндүрүш нөөмөтүндө 100 баш чоң малды жана 1000 баш майда малды соё ала турган эт комбинаты көрсөтүлдү. Ал жакынкы үч айда ачылып, Перс булуңундагы өлкөлөргө эт экспорттоо пландалып жатат.

Ошондой эле жумушчу топ МЖӨ механизми аркылуу ишке ашыруу пландалып жаткан «Бишкек Солар» ЖЧКсынын күн электр станциясын куруу долбоору менен таанышты. Андан кийин халал стандарттары боюнча курула турган «Керемет Резорт» курорттук эс алуу борборунун долбоору сунушталды. Инвестициялардын керектүү көлөмү 8 млн доллар, каралып жаткан аянт 6 гектарды түзөт.

Делегация ошондой эле «Экологиялык таза “Асман” шаары» курулуш долбоорунун чоо-жайы менен таанышты. Эске салсак, долбоорго ылайык, шаар Ысык-Көлдүн жээгиндеги 4 миң гектар жерге курулуп, үстүнөн көз чаптырганда улуттук музыкалык аспап – комузду элестетет.

Андан ары гольф клубун куруу долбоору сунушталды. Ал арада экинчи топ Сауд Арабиясынын алдыңкы энергетикалык компаниясы Aqua Power менен биргеликте Токтогул ГЭСине барып, Камбар-Ата 1-ГЭСинин курулушу жүрүп жаткан жерди көрүштү.

Read more

Талас облусунда таштандыларды сорттоочу ишкана ачылды. Долбоорду «Альянс Алтын» компаниясы колдоду

Талас облусунда таштандыларды сорттоочу ишкана ачылды. Долбоорду «Альянс Алтын» компаниясы колдоду

Талас облусунун Шумкар-Уя айыл өкмөтүндө таштандыларды сорттоочу ишкана ачылды. Бул тууралуу Талас облусундагы президенттин ыйгарым укуктуу өкүлдүн аппаратынан билдиришти. Шумкар-Уя айыл өкмөтүнүн аймагында аянты 1,5 гектарды түзгөн «Шумкар» ишканасы курулган. Жергиликтүү бийлик ишкана аймактагы экологиялык абалды жакшыртууга жардам берип, күнүнө 10-15 тонна таштандыны кайра иштетет деген ишенимде. Айыл өкмөтүнүн
«Альянс Алтын» мамлекеттик бюджетке салык төлөмдөрү боюнча рекорд койду

«Альянс Алтын» мамлекеттик бюджетке салык төлөмдөрү боюнча рекорд койду

«Альянс Алтын» компаниясы 2024-жылдын башынан бери 7.48 млрд сом төлөп, мамлекеттик бюджетке салык төлөмдөрү боюнча жаңы рекорд койду. Бул тууралуу компаниянын басма сөз кызматы билдирди. Тоо-кен компаниясында белгиленгендей, 2023-жылы «Альянс Алтын» рекорддук көрсөткүчтү 4,4 тонна алтын өндүргөн, бул өткөн жылдардагы көрсөткүчтөрдөн бир топ жогору. Ошол эле учурда салык
Жыл башынан бери «Альянс Алтындын» салык төлөмдөрү 6.2 млрд сомду түздү

Жыл башынан бери «Альянс Алтындын» салык төлөмдөрү 6.2 млрд сомду түздү

2024-жылдын январь-сентябрь айларында Жерүй кенин иштетип жаткан «Альянс Алтын» кен казуучу компаниясы бюджетти дээрлик 6.2 млрд сомго толуктаган. Сентябрь айында салык төлөмдөрү 767 млн сомдон ашты. Бул тууралуу компания Economist.kgге билдирди. «Альянс Алтын» белгилегендей, алтынды сатуудан түшкөн салык отчеттук мезгилде дээрлик 5 млрд сомго жеткен. Ал эми сентябрь
«Альянс Алтын» компаниясы Кыргызстандагы ТОП-5 мыкты ишканалардын катарына кирди

«Альянс Алтын» компаниясы Кыргызстандагы ТОП-5 мыкты ишканалардын катарына кирди

«Альянс Алтын» тоо-кен казуучу компаниясы Кыргызстандагы ТОП-5 мыкты ишканалардын катарына кирди. Рейтинг Улуттук статистика комитетинин расмий сайтында жарыяланды. Мекеменин маалыматы боюнча, ишкана престиждүү республикалык көрсөткүчтө төртүнчү орунду ээлеген. «Альянс Алтын» белгилегендей, бул жетишкендик компаниянын тоо-кен тармагын өнүктүрүүгө умтулуусу жана өлкөнүн экономикасына жигердүү салымынын аркасында мүмкүн болду.