Экономика

Өлкөдө 534төн ашык жеке жана 6 мамлекеттик балык чарба бар

Мелис Совет уулу

06 апр. 2026 12:35

Кыргызстанда жалпысынан 540тан ашык балык чарбасы катталганын Балык өнөр жайы комплекси департаментинин директорунун орун басары Нурзамат Акпаралы уулу "Биринчи радионун" түз эфиринде билдирди.

Анын айтымында, аталган балык чарбалары ветеринардык-санитардык нормаларга дал келип, талаптар менен ченемдерге ылайык салынган.

"Бүгүнкү күндө балык чарбасы айыл чарба тармагынын приоритеттүү багыттарынын бири болуп саналат. Бул ишкердик менен алектенебиз деген жарандардын саны да аз эмес. Кирешелүү тармак катары каралганы менен, бул иш бир топ мээнетти талап кылган түйшүктүү тармак. Албетте, алардын ичинде чоң чарбалар да, өлкөбүздүн ички рыногуна иштеген майда чарбалар да бар. Ветеринардык-санитардык талаптар экспортко чыгууга багытталган чарбаларга гана эмес, бардык чарбаларга тиешелүү. Анткени бул — азык-түлүк коопсуздугу, жарандарыбыз сапаттуу жана таза азыктар менен тамактануусу керек", — деди департаменттин директорунун орун басары.

Маалымдалгандай, жалпы 540тан ашык балык чарбасынын ичинен 6 чарба мамлекеттик болуп саналат.

"Департаменттин карамагында 3 мамлекеттик мекеме жана 3 мамлекеттик балык чарбалары катталган. Булар: Өзгөн, Талас балык чарбалары жана Тоң балык өстүрүүчү заводу, ошондой эле Соң-Көл, Токтогул жана Базар-Коргон балык чарбалары. Азыркы учурда аталган 6 балык чарба "Кыргыз балык чарбасы" аталган мамлекеттик ишканага бириккен", — деди ал.

Мындан тышкары окуңуз

Түндүк – Түштүк жолу тазаланып, жол ачылды

Түндүк–Түштүк альтернативдик унаа жолунун 260–274-чакырым аралыгында нөшөрлөп жааган жаан-чачындын кесепетинен таш көчкү түшүп, жол убактылуу жабылган. Транспорт жана коммуникациялар министрлигинин маалымат кызматынын маалыматына ылайык, жеринде министрликтин атайын техникалары тартылып, тазалоо иштери жүргүзүлүп, жол ачылды. Транстопрт минстрлиги айдоочулардан жол кыймылынын эрежелерин жана ылдамдыкты так сактоону өтүнөт. Кыргызстандын экономика, бизнес,

Бишкекте суу объекттеринде коопсуздук чаралары күчөтүлдү

Өзгөчө кырдаалдар министрлиги сууга түшүү сезону алдында Бишкек шаарынын Ленин районундагы бассейндер жана башка суу объекттери текшерилгенин билдирди. Маалыматка ылайык, атайын комиссия "Максимум", "Деңиз", "Новотел", "Дельфин", "Парус", "Кудайберген" жана "Өнөл" бассейндеринде текшерүү жүргүздү. Ошондой эле Чоң

Дипломатиялык кызмат жөнүндө мыйзамга өзгөртүүлөр киргизилди

Президент Садыр Жапаров 2026-жылдын 22-апрелинде Жогорку Кеңеш тарабынан кабыл алынган “Кыргыз Республикасынын дипломатиялык кызматы жөнүндө” Кыргыз Республикасынын Мыйзамына өзгөртүүлөрдү киргизүү тууралуу” мыйзамга кол койду. Бул тууралуу президенттин расмий баракчасына маалымдалды. Мыйзам Кыргызстандын дипломатиялык кызматынын натыйжалуулугун жогорулатуу, институттук потенциалын бекемдөө жана мамлекеттин тышкы саясий ишинин заманбап талаптарына шайкештигин камсыз кылуу үчүн

Экологиялык таза технологиялар үчүн жеңилдетилген насыя берилет

Жаратылыш ресурстары, экология жана техникалык көзөмөл министрлиги атмосфералык абанын булгануусун азайтуу жана экологиялык таза технологияларды жайылтуу максатында “Абанын сапатын жакшыртуу” мамлекеттик программасы ишке ашырылып жатканын билдирди. Маалыматка ылайык, долбоордун алкагында жеңилдетилген насыялар Элдик Банк, Айыл Банк жана Бакай Банк аркылуу берилет. Жеке жактар экологиялык таза жылытуу жана энергия системаларын орнотуу