Улуттук банк ири валюталык интервенция жасап, банктарга 87.5 млн доллар сатты
Кечээ, 20-декабрда Улуттук банк банктарга 87.5 млн доллар өлчөмүндө АКШ долларын сатуу менен быйылкы жылдын эң ири интервенциясын жүргүздү. Интервенция АКШ валютасына болгон суроо-талапты канааттандыруу, валюта рыногун кандыруу максатында жасалган.
2 млн долларды сатуу бүтүм түзүлгөн күнү эсептешүү менен ишке ашырылган. Банктар дагы 85.5 млн долларды кийинчерээк алышат – бул бүтүмдөр интервенция күнүнөн башка дата менен түзүлгөн.
Белгилей кетсек, быйыл бул Улуттук банктын АКШ долларын сатуу боюнча сегизинчи интервенциясы. Буга чейин Улуттук банк январь, февраль, март, ноябрь жана декабрь айларында чет элдик валютаны саткан.
Ал эми бул жылы АКШ долларын сатып алуу үчүн жети тескери интервенция жасалып, алар март, май жана июнь айларында өткөрүлгөн.
