ЕАЭБ эски унаалардан арылуу үчүн автотранспортко электрондук паспортторду киргизет
ЕАЭБ өлкөлөрү автоунааларга электрондук паспорт берүүгө өтүшөт. Бул тууралуу Sputnik агенттиги уюштурган «ЕАЭБдин бирдиктүү рыногунда продукциянын коопсуздугун камсыздоо» видеоконференциясында ЕЭКтин техникалык жөнгө салуу министри Виктор Назаренко билдирди.
Назаренконун айтымында, электрондук паспорттун бирдиктүү формасына өтүү жарандарга биримдиктин башка өлкөсүнө автоунаа менен келип, ал жактан автоунаасын сатууга мүмкүнчүлүк берет. Анын айтымында, бирдиктүү система биримдиктин бир өлкөсүнөн экинчи өлкөгө каттаган, сатылган, бир мамлекетте өндүрүлгөн жана башка мамлекетте сатылган транспортту көзөмөлдөө маселеси кызуу талкууланууда. Экинчи этапта транспортко өлкө ичинде жарактуу электрондук паспортторду берүүгө өтүш керек.
Ошол эле учурда Назаренко электрондук унаа паспортторунун бирдиктүү системасын ишке ашыруу биз каалагандай тез жүрбөй жатат деп нааразычылыгын билдирди. Бул жагынан Орусия эң алдыда. Бирок башка мамлекеттерде да иштер жүрүп жатат, анын ичинде Кыргызстан да бар.
«Кыргызстан менен Армения өз ыкмаларын иштеп чыгууда. Биринчи этапта алар балким администратор менен лицензиялык келишим аркылуу иштеп, электрондук паспортко өтүшөт. Андан ары Кыргызстан, биздин билишибизче, электрондук паспорттордун өзүнүн механизми болушу үчүн өзүнүн маалыматтык системасын түзүүнү көздөп жатат. Бул юридикалык жана жеке жактарга тийиштүү өтө маанилүү, пайдалуу, бирок оор процесс. Түпкү максат – бардык унаалардын тоскоолдуксуз жүрүү мүмкүнчүлүгүн түзүү. Эгерде ЕАЭБге ташылып келинген нерселердин бардыгын жакшылап көзөмөлдөсөк, базарларыбызды таштандыга кетчү эски унаалардан коргой алабыз», — деди министр.
