Минкаб Чүй облусундагы өнөр жай объектилерин ишмердигин текшерди
Министрлер кабинетинин төрагасынын орун басары Бакыт Төрөбаев Чүй облусуна болгон жумуш сапарынын алкагында бир катар өнөр жай объектилерин кыдырды. Бул тууралуу маалымат кызматы билдирди.
Төрөбаев Токмоктогу шаарында эскирген дөңгөлөктөрдү жана желим буюмдарды кайра иштетүүчү заводдун курулушунун долбоору менен таанышты.
Завод ишке киргизилгенден кийин желим буюмдарынан чыккан калдыктар азайтылаары, өлкөнүн экологиялык абалына оң таасирин тийгизип, эл аралык рынокко чыгаары белгиленди.
Андан ары Төрөбаев «Кыргызцентрпродукт» ААКнын ишканасына барып, жашылча-жемиштерди өстүрүү жана кайра иштетүү процесси менен таанышты. Маалым болгондой, ишкана 2010-жылдан бери иш алып барат, ата мекендик ири бренддерди кошуу менен 10 миң тоннадан ашуун жашылча-жемиш экспорттойт.
Жумуш сапарынын соңунда Бакыт Төрөбаев Токмоктун өнөр жай аймагынын абалы менен таанышты. МинКаб Төрагасынын орун басары мамлекеттик органдардын өкүлдөрүн ата мекендик ишканаларды колдоого бардык күч-аракетин жумшоого чакырып, Министрлер Кабинети инвесторлор үчүн күнү-түнү ачык экенин белгиледи.
