Энергетика министрлиги кытайлык компаниялар менен кызматташат – долбоорлордун тизмеси
Энергетика министри Таалайбек Ибраев Кытайга болгон иш сапарынын алкагында алты документке кол койду. Кол коюлган документтер энергетика тармагы боюнча кызматташууга, өнүктүүрүүгө жана долбоорлорду биргелешип ишке ашырууга багытталган. Бул тууралуу министрлик билдирди.
Алты документтин ичинде:
· Энергетика министрлиги менен Univeral Energy Co. Ltd. компаниясынын ортосунда шамал электростанциясын курууну ниеттенүүдө меморандумга кол коюлду;
· Энергетика министрлиги менен China Energy International Group Co., Ltd. жана China Gezhouba Group International Engineering Co., Ltd. (КНР) компанияларынын ортосунда кызматташуу жөнүндө Меморандумга кол коюлду. Документинин башкы максаты КРда шамал энергетикасы, фотоэнергетика, сактоо энергиясы ж. б. боюнча долбоорлорду биргелешип иштеп чыгуу, өнүктүрүү жана ишке ашыруу болуп эсептелет. Кол коюлган документтин мөөтү 3 жылга чейин күчүндө болмокчу;
· ошондой эле КРнын Энергетика министрлиги менен Tebian Electric Apparatus Stock Co., Ltd. (TBEA) компаниясы жогорку чыңалуудагы электр өткөргүч линиясын куруу боюнча кызматташуу ниетинде макулдашууга кол койду;
· энергетика министри Таалайбек Ибраев жогорудагы компанияларга катарлаш China Railway No. 5 Engineering Group Co., Ltd. компаниясы менен өз ара түшүнүшүү жөнүндө меморандумга кол койду. Ал эми меморандумдун негизги максаты 6 ГЭСтен турган Сары-Жаз ГЭС каскадын куруунун артыкчылыктуу эсебин ишке ашыруу болуп саналат. Кол коюлган документтин күчү 3 жылга чейин сакталмакчы;
· Энергетика министрлиги менен Karamay Youlong Technology Service Co., Ltd. компаниясынын ортосунда өз ара түшүнүшүү жөнүндө Меморандумга кол коюлду. Анда энергетика жана пайдалуу кендерди (көмүр, мунай, жаратылыш газы) иштетүү, ошондой эле аларды комплекстүү пайдалануу жана башка потенциалдуу энергетикалык долбоорлор жаатында кызматташуу мүмкүнчүлүгүн карап чыгуу. Документтин жарактуулук мөөнөтү 3 жыл болмокчу;
· China Power International Development Limited менен КРнын Энергетика минисрлигинин ортосунда долбоорду ишке ашыруу жана электр энергиясын сатып алуу жөнүндө макулдашууга кол коюлду.
